分手後，遇上你: 重新開始

「我答應你，我唔再離開你，我會一直守係

你身邊。」我伸出雙手攬住佢，係佢面上吻左

一下，Jessica只係對住我笑，「我地重新開

始啦。」事情總算有個完滿既結束，而我都考

完個試，可惜結果都係修業收場，我原以為





Jessica會離開我，但佢不但冇離開我，反而

安慰番我轉頭，為左Jessica，我重新面對將

會考既dse，人生既一大考試。

好多人都會比呢個試搞到痴曬線，當然我

都唔例外，為左呢個試，我小左同Jessica見





面，基本上日日係屋企同書本打大仗，日打夜

打，為左自己既前途，只能夠咁crazy。距離

考試仲有兩個星期，因為感到壓力太大，所以

空出一日比自己休息下，「喂，今日我地去長

洲行下啦，好冇丫？」最好既休息緊係見女朋





友啦，「好丫，咁一個鐘之後你黎接我啦，拜

拜。」cut左線之後，我要沖個涼先敢出去，

因為閉關閉左幾日，所以冇沖涼，以家成身發

曬臭，唔沖又點敢出呢。

一個鐘之後，我准時出現係Jessica屋企樓

下，等左一陣，Jessica就出現，唔知係唔係

太耐冇見佢，我發覺Jessica又好似變靚左

咁，而且身材愈黎愈好，媽的，呢排冇見佢到





底做過咩黎呢，「你變靚左，搞到我差啲認唔

出你添，哈哈哈……」「口花花啦你，行啦死

佬」Jessica笑左一笑就行去巴士站，而我就

跟住佢後面。





今日Dse放榜，無論結果係好，定係唔好，總之大家要記住，路係人行出黎，大學可能係社會既入左券，但並唔係為一既出路，出路多的事，最緊要係隨住個心去做事，咁樣人先會開心。