分手後，遇上你: 一日時間

「丫k，我要你追番我，我只係比一日時間你，如果呢一日你唔可以令我重拾當時心跳既感覺，我地就正式完。」Jessica講完之後，就靜靜地坐係沙發到。一日時間，決定生死，我應該點做？
「你比三個鐘時間我先，我想準備好一切就黎揾你，好冇？」我用一種好誠懇既眼神望住佢，等待佢既答覆，「好，希望你所做既準備既野會令到我同番你一齊，其實之前叫你考好個試，只係想知道你有冇將我講既事放係心到，事實上你冇令到我失望，所以希望今次都會係咁。我會係屋企等你，你搞掂就打比我啦，我就去揾你。」Jessica講完準備起身番床訓陣既時候，我捉住左佢，係佢背後攬住佢，我個咀貼緊佢耳邊，細細聲講「無論結果點，我都冇後悔過愛上你，我知道我錯得好離譜，將一切美好既事打破曬，但你相信我，我會用一生既時間去補償你，等我」講完之後我就走左。
落到街，其實我好迷惘，因為我唔知道應該去準備啲咩，當我係街到亂行左一陣既時候，咁岩係街到見到有一對準備結婚既新人，係大家祝福既目光下坐上去一架花車上面慢慢咁向佢地下一個目的地人進發。呢個情景，比左我一啲諗法，可能都係好多人做過既事黎，我行左附近一間花店，準備我要既野。
三個鐘後，我上左去Jessica屋企帶佢去目的地。目的地，就係大家都熟悉既石澳沙灘，冇計啦，近近地丫哇。去到目的地，已經係晚黑7點，「喂，帶我黎沙灘食風丫你？我好餓丫！！！」，女人果然唔餓得，一餓就會好昜扯火，「一陣就會有得食嫁啦，你等下啦，就到嫁啦。」行多五分鐘到，到了，係Jessica眼前，係一個比4塊白色既布包住既地方，唔好以為咁簡單，好戲在後頭。
我拖住Jessica行入去，布既入面，係用玫瑰花既花瓣拼成既四個大既心心，而中間放住一張枱，枱上面，冇咩特別既只係放左兩塊牛排，牛排旁邊放住一支平平地既香檳，當我拉住Jessica坐係到既時候，同時係枱底拎出我一早準備好既36支玫瑰，一切都開始了，希望我會成功，為了愛，要努力。