分手後，遇上你: 一場計謀

「點解aunties你會同Jessica通話緊既？咁岩岩既說話佢咪聽到曬囉。」我既真情說話竟然比Jessica聽到，正當我諗緊點算既時候，突然背後有個人輕聲細語咁講「聽到又點丫，乜有野我係唔知得既咩？」
呃，點解當事人會係到既，「哇，人嚇人，嚇死人丫，點解你會係到既？」「呢到係我屋企，點解我唔可以係到呢？仲有，我想聽你心入邊果句！」Jessica冇啦啦咁講，搞到我一頭霧水，乜我有野暪佢咩？「咩心入邊果句？」，「點解你明明記番起所有野，但仲要打果個人，以前既你，根本唔會咁做！」Jessica好激動咁問，「其實由第一次見到你，你就好似天使咁，淨化左我個人，將我由惡魔既性格，打造番為凡人既性格，我驚我暴力既性格會嚇親你，所有我一直控制住自己。但係，早前發生既果件事令到我真係好嬲，我嬲到連要控制住自己都唔記得，而且我好嬲自己保護唔到你，保護唔到自己最愛既人，對唔住，你原諒我既衝動好唔好？」
「傻瓜，如果我要嬲你，就唔會安排今日既見面啦。」Jessica笑住咁拍我個頭，「咩話，你安排？乜唔係你父母要揾我傾計咩？」我好驚訝咁問，「一開始既係，但通話果到係我安排，我想知道你會唔會當住我父母講大話昆佢地。」