分手後，遇上你: 點解要試我？

「點解你要試我？乜我有必要去呃你既父母咩？你唔係唔知道，對住你，我從來都唔會講大話，唔係因為我唔識講，而係因為我唔想有野暪你，兩個人一齊，如果連個信字都咁難建立，咁仲點一齊？」我好嬲咁質問佢。
Jessica愈聽愈無奈，因為佢估唔到一個試驗既結果會變成咁，佢愈諗愈嬲，最後竟然講左一句，「我地冷靜下啦，當你冷靜落黎，我再話你知成件事係點。」我由於怒火中燒，自然唔理咁多，「有咩就以家講！」Jessica聽完，只係唉左一聲，之後講左句，「遲下再講啦，我唔想同你嘈。」之後就走左去，正常黎講，我係應該阻止佢離開，但我冇咁做到，可能因為我太嬲，因為我唔中意人地唔信任我，但估唔到，今次既離別，令我地錯過好多野，而且仲比人從中介入。
自從果件事後，我地有7日冇見面，而且連一個電話或whatsapp都冇，今日，我終於忍唔住，我打左比Jessica，諗住問下佢做緊咩，之後再約佢出黎，點知，聽電話既係一個男，「喂？你邊位」，我呆左一呆，之後cut左線。
另一邊，Jessica岩岩係廁所出黎，之後個男既就話「表妹，岩岩有個叫丫k既人打比你，但冇講到野就cut左線。」Jessica聽完之後講左句，「死佬，終於肯揾我啦。」然後就拎起個電話打比我。