分手後，遇上你: 豪賭一次，許下承諾

「我承認，今次確實係我做錯，我唔應該咁衝動，但係，uncle你知唔知道，比我打傷既呢個人，係早排同樣將我打到入院，我做人只知一個道理，君子報，一報就要報到盡，我知道我咁既心態唔得，但呢樣野係天生。」我好冷靜咁講，冇比Jessica爸爸既說話影響到，「你係咪覺得自己咁講好型，無錯？」Jessica爸爸冷笑咁講，「我唔係覺得自己好型，講野無錯，但同樣我明白，我愛佢，如果我唔解釋，我將會失去佢。」Jessica爸爸聽完之後，只係問我「你話愛佢，咁我問你，咩係愛？答得出，我唔會阻止你地！」呢次係最後一次機會，我呼吸左一陣，飲左啖眼前既咖啡，望住Jessica既爸爸講「就我對愛呢個字既了解，愛一個人，係應該對佢坦誠，唔會背住佢搞三搞四，愛一個人，應該對佢比對自己更加好，愛一個人，應該事事以佢為先，無論做咩事都應該顧及左佢既感受先，如果真係愛佢，無論將來條路點難行，都應該捱落去，因為大丈夫，少少苦都忍唔到，點可以令愛你既人放心跟隨你。」一口氣講左咁多野，我都幾佩服自己。
希望我既說話，可以打動到uncle啦，uncle聽完大笑左幾聲，拍下我個頭，之後走左去，而aunties係手袋拎起個電話，而且畫面仲著緊，畫面顯示緊通話中幾隻字，而通話對象就係Jessica。