分手後，遇上你: 時間的流逝

由我入到黎呢間房，時間就好似停止左咁，但無可否認時間係唔會停止，腦海不斷浮現Jessica喊既時候既樣。可能係幻聽啦，耳仔仲不斷有Jessica喊既聲音傳入。由於身上既野比差人收曬，所以咁既情況持續左幾耐我都唔知道。
到最後我我忍無可忍，係咁用拳頭打道牆，呢招真係幾有用，慢慢耳仔再冇Jessica喊既聲音。我冷靜落黎之後，訓左係床到，慢慢我就訓著左，而且仲發左個夢。夢中，我番左去我出事果一日，我安照我個日既安排，整牛排，整蠟燭，但今次既我，係快快手整完，所以早左落去，當然之後既事情都冇發生到，而且仲可以Jessica過左一個美妙既晚黑。
呢一覺醒左，應該係第二日到掛，因為個天好光，我做左廿幾下掌上壓就坐左係地下，肚好餓。由於我食慣Jessica煮既野，因而我基本上好少食街既野同陌生人煮既野，只能希望時間過得快啲。我選擇訓係地到，訓醒再訓，好快就到左48小時。點解我會知道？因為去到47小時既時候，捉我既果位差人入黎揾我傾計，可能佢覺得我好可憐，所以黎到揾我，而且從中得知，原來成件事都係我前女友計劃，當我知道呢件事，我真係好後悔識到佢，如果可以早啲識到Jessica，咁之後既事就唔會發生。