分手後，遇上你: 坐48小時

“唔一定會入去坐既，不過呢，48就一定就唔甩。"丫sir聽到我地既對話，所以走黎加把口，Jessica聽完之後，用一種我從味係佢身上搵到既感覺黎同我講野，"總之無論點樣，我都唔會離開你，就算你點講都冇用，而且呢件事，我唔會話比你丫爸丫媽知住，我會同佢地講你係我到住兩日，有咩都等條友醒左再算。"我冇再講咩，只係唉左一聲，就跟住個差人番去。
去到差館，都係問下咩名丫，幾歲果啲，但當個丫sir問我咩事打人既時候，我將我本身比人打既事講曬出黎，跟住個丫sir講左句"醒啲啦，如果佢醒左要告你，你就用呢件事要脅佢啦，咁你咪可以冇囉"，我心諗，咩差佬黎，不過佢肯咁幫我，都算係咁啦。可惜，48由於走唔甩，我跟左個丫sir去倉房，話曬第一次坐監，話唔驚就假，不過如其驚呢樣，不如擔心下Jessica仲好。話就話佢表面冇咩野咁，但我比任何人都知道佢有幾唔開心，有幾擔心我，今次入黎坐，算唔算係比自己冷靜下，同時諗下如果冇事，應該點樣改變自己呢種性格，費事因為呢種性格，令Jessica再咁擔心我。