分手後，遇上你: 一切結束

「拿，你今次lucky啦，人地就唔投訴你，不過醫藥費就要幫人比嫁啦，當然啦，知道你唔會服氣，我幫你同佢講左，如果比一半唔係問題，全數既話你就會將先前發生既事講曬出黎，結果佢話你比一半就得。」丫sir咬住支煙黎同我講，我諗左一諗，為左唔好煩，比就比啦，「ok，一半就一半，但你同佢講，我希望比完唔好再撞到佢，我唔想見到佢，今次肯比，係因為我唔想煩。」丫sir用一種早就估到既眼神望住我「好，我會幫你轉達。」
事情傾好曬，而且都夠48，我拎埋啲野，行出np個警局，正當我諗住打的番去既時候，突然有人從後攬住我，對方身上傳黎既氣味，呢世我都唔會忘記，我拍一拍呢對攬住我既手，但對方唔肯放手，我只好開口「Jessica，你咁樣攬住我，我會怕羞嫁，有咩都放開我先講啦，你再攬到咁實，我會呼吸唔到嫁。」「唔放，打死都唔再放，兩日前就因為放左手，搞到你係入邊受苦，對唔住丫，你原諒我啦好丫？」Jessica眼紅住咁講，「傻瓜，對咩唔住丫，錯又唔係你，係我自己衝動炸話，而且我係入邊都無受苦，因為捉我入去個丫sir知道成件事既來龍去脈，所以特別照顧我，而且我比一半醫藥費就夠啦，我答應你，我以後都唔會再衝動嫁啦，為左唔會再令你擔心。」