分手後，遇上你: 回到當時上

「既然要記番同Jessica之間既野，不如去你地去第一次見面既地方啦。」就係呢個時候，我老媽子講左句咁既野，我聽完之後，心諗又係啵，之後轉個頭就問Jessica，「係呢，我地第一次見面係邊嫁？」「我地第一次向酒吧見嫁，而且第一次見面，你就攬住人地！」，「死仔，估唔到你咁狼死呀吓，哈哈哈……」，果然係我丫媽，就算係我受傷既時候都要串下我。
「今晚我就帶你去我地第一次見面既地方啦。」Jessica笑容滿面咁講，「好，今晚見。」我地就係醫院解散，晚上十點，Jessica打黎約我係Np既T字碼頭到等。十點半到，我就到左T字碼頭，而Jessica早我一步到左，佢見到我，就行埋黎，拖住我隻手，之後只係講左句，「行啦，我地去令你記起一切，希望今晚就可以令你恢復啦，如果唔係，我好驚有人會搶走…………你………………嗚…………」果然係喊包，講講下又喊，我攬住佢，之後抬起佢個頭，向佢個咀錫左一啖，之後望住佢講左句「傻瓜，我唔會走，就算記唔起以前既野，我都唔會離開你！」
Jessica滿面疑惑咁問我「其實你係唔係真係失憶嫁，如果唔係，點解會講呢啲說話？」「白痴，我昆你有咩著數，而且我醒個一刻，望到你個樣，我個心就莫名其妙咁跳得好快，我相信，我以經鐘意左你！」