分手後，遇上你: 失憶

就係呢個時候，醫生入左黎，佢見我醒左，當然幫我Check下啦，之後慢條斯理咁講「由於病人後腦受到攻擊，有機會造成失憶，經常上頭痛等情況，我建意佢留院觀察一星期到，再作評估。」我聽完當場向醫生說不，醫院啲藥水味咁難頂，我番屋企休息仲好啦，由於我既堅持，父母最終同意比我番屋企休養下。
走之前，我向住Jessica好認真咁講「雖然我唔記得發生左咩事，唔記得你係邊個，不過希望你相信我，既然我記得出你係我結婚對象咁既說話，就一定係真話，希望你比啲時間我去記番起一切，可唔可以？」Jessica又再次喊起上黎「可以丫可以丫。」我幫佢抹一抹眼淚，之後唔知點解好自然講左一句「你喊包黎嫁？哈哈哈……」突然間，好似記得啲野，又好似唔記得咁，Jessica見我唔對路，就好緊張咁問我「你有冇事丫？」
「冇丫，我只係記得我以前應該有咁話過你，係唔係丫？」我好呆咁問，Jessica笑左一笑，「你何止話我係喊包，而且仲講左一句說話，就係…………………」Jessica專登吊起我既好奇心，又唔講係咩事，之後我不斷煩佢，佢先肯話我知，「你話過，呢一生我只可以為你一個人流淚。」