分手後，遇上你: 回到當時下

「我相信你講既一切，而且無論點，我都會令你恢復。」Jessica好有決心咁講。「廢話小說，行啦女人。」我霸氣盡露咁講，Jessica好乖咁撟住我隻手，一齊行去一間名為傷心吧既地方。
入到間吧，音樂當然要配合番吧既名啦，但估唔到入邊既人都咁配合，係間吧諗住揾個位坐下，點知發現好多女係咁喊緊，果然係傷心吧。我同Jessica揾左個角位，坐左係到，叫左杯威士忌，就係到打量下間吧，同時我發現，有班mk仔女係到望住我同Jessica，而且望既時候，仲同身邊既人有講有笑，呢個時候，其中一個mk仔走左過黎。我細細聲同Jessica講「小心，有個mk仔行緊埋黎，你識唔識佢？」Jessica望左一望，之後個樣好似撞鬼咁，我見咁既情況，我問下佢做咩事，之後佢先回一回神，好緊張要拖我走，我拉一拉佢，問佢到底發生咩事，佢喊住咁講「佢就係打到你入醫院果個人啦，快啲走啦，我好驚你再傷一次丫。」講完就立即拖住我走，我甩開佢隻手，之後好型咁講左句「有復不報非君子，佢傷到我，我就要廢左佢。」
當我係枱面拎起杯酒，行埋去既時候，身邊有個男既冇啦啦行下黎撞一撞我，之後講左句「死仔，睇路丫，望咩丫打到你見紅呀啦！」我冇理佢，繼續行，行到個mk仔面前，我望住個果塊比長長既陰遮住既面，講左句，「就係你傷左我？」mk仔果然mk，講野都串啲，「吹？傷得你少？要唔要再入去訓下？」我笑左一笑，一隻杯車落佢個頭到，望住佢頭頂慢慢流血落黎，我個腦突然好似播電影咁，播緊我所失去既回憶，同時我都恢復。