分手後，遇上你: 緣盡？

「請問你係邊位，你知唔知呢到係邊到黎？點解我會係到既？乜我唔係應該向街既咩……………………………………」我一連串既問題，個女仔聽完第一句之後，就失曬控咁，捉住左我隻手，係咁搖我，之後不停咁講「對唔住，對唔住丫，都係我搞成你咁，你唔好忘記我丫，我係Jessica丫，你記唔記得丫………………嗚…………」
「Jessica？個名好熟，到底係邊個黎，點解呢個名令我個心跳得咁快，我同呢個女仔到底有咩到關係？」我不停咁問自己，但我真係唔記得，到底我發生左咩事？突然間，房門被人打開左，我見到我丫爸丫媽入左黎。我即刻問我丫媽「丫媽，呢條女邊個黎嫁，點解佢會係到既，係咪親戚黎嫁？」
我見我丫媽呆左一呆，然後同老豆行埋黎，拍一拍個女仔，之後唉左一聲先答我「丫b，佢係你女朋友丫，你唔記得佢啦？你唔係話佢係你結婚對象黎既咩？」我心諗「咩事丫？搞咩一醒左會多左個結婚對象嫁！
突然個女仔冇再喊，反而企左起身，之後紅住眼同我講「丫k，你因為為左保護我而受傷，你比人係後腦到爆樽，之後你就暈左，你訓左五日四夜，我就係到陪你咁耐，但你點可以忘記我，忘記我地所有既野！！」