分手後，遇上你: 不顧一切

由於真係好嬲，嬲既唔係點解好地地Jessica會比人打，係嬲自己如果早啲整好，落定黎就唔會發生呢啲事，愈諗愈嬲，就黎見到佢地班人，我咩都唔理，隨手拎起附近一個垃圾筒，就一下車埋去，仲差啲整親Jessica。
班人一見到我，就一個二個衝埋黎，係咁打我，人地多人成咁，我當然只能捱住比人打，正當我諗住轉身叫Jessica快啲走既時候，你媽的，見到一個滿面暗倉既肥仔諗住抽Jessica水。係男人見到呢種情景都會好嬲，當然我都唔例外，我唔顧佢地對我拳打腳踢，我就咁死頂行過去，一邊行，一邊諗，點解會變成咁，好嬲好嬲，我捉住個肥仔，一拳一拳咁打落佢塊面到，每一拳用盡我身上既力，正當我打到唔知第幾拳既時候，比人從後打左一下，之後只係感覺到頭濕濕，感覺到個頭好暈，隨後就訓抵左。
醒既時候，我發覺自己係一間四面都係白色牆既地方到，明明前一秒我仲係街，點解後一秒我會係一個咁既地方到既。正當我諗住睇真啲既時候，房門比人打開左，喊出黎，如果唔係有人打開門，我肯定以為呢到密室黎，我望下個門口，見到有個女仔企係到，隻眼紅曬，我心諗「咩事丫，一入黎就喊曬口咁，我識佢既咩？點解會有種特別既感覺？就好似好熟悉佢咁既？」