分手後，遇上你: 做事要狠，為你改變自己

話說今日係我同Jessica拍拖兩個月既大日子，我一早起身，出左去買蠟燭，之後番到屋企將蠟燭慢慢咁放係地下到，拼成J C兩個字，重點緊係唔響J C要個字到啦，而係我將圓形既蠟燭，花左好耐時間去將佢變成心形既圖案。
蠟燭既野準備好之後，當然係準備整牛扒啦，為左今日既「心心大行動」，我琴晚就事先將牛扒切成心形。就係我岩岩整好曬啲野既時候，Jessica打黎，「好奇寶寶到左啦，有冇野要買上去丫？」自從同Jessica拍左拖之後，我就向np到租左一個平平地既單位，一房一廳一廁所一廚房，六千一個月，係呢個上唔到車既香港到算係咁啦，「得番一樣野要買，不過我一陣接埋你之後一齊去買啦。」「咁我係下邊等你啦。」，「知道啦好奇寶寶。」
當我拎齊野，搭完電梯出左大廈既時候，眼前呢一幕真係令我怒火衝天，當然唔係Jessica比仔圍啦，仲衰過呢樣，係我眼前出現左一班算熟悉既人，我前女朋友同佢地豬朋狗友。佢班豬朋狗友捉住Jessica左右手，Jessica係冇得反抗既情況下比我前女朋友係咁一巴一巴車埋去，每一巴打落Jessica塊面到，就好似一把把刀插係我個心到一樣痛。
呢一刻我只係有一種放虎歸山既感覺，我唔可以比呢種事再發生，我咩都唔理，只係一支箭咁衝過去。