分手後，遇上你: 初戀的感覺

話說同Jessica一齊左都有一個月到，但成日都有一種錯覺，就係初戀既感覺。每一個人既初戀都係好神聖，不容許他人踩踏。但你有冇試過，明明自己係一個拍左十幾次拖既人，但眼前既呢個人，比你既係一種好純潔既愛情。
就我所認識既人之中，一齊唔係為搞野，就係為錢，枉枉兩人走埋一齊都係帶有目的，有幾多人係為左一個愛字而走埋一齊？我同Jessica一齊咁耐，我竟然只係去到錫下咀仔既地步，唔敢再有下一步行為，因為我怕進行下一步，會破壞左我地純潔既愛。
有一次，Jessica行行下，冇啦啦問左一句，令我口啞啞既問題，「點解呢，你次次錫我既時候，明明好似想進行下一步咁，但結果反而停止左，唔敢繼續落去既？係唔係因為你個到性無能丫？」我的媽啊，唔搞你唔係應該仲好既咩？點解反而好似唔搞你就係錯既，我抹一抹汗，之後慢慢咁解答佢，「其實呢，我就唔係性無能，對住你，更加冇可能係性無能，我之所以唔繼續落去，係因為我尊重你，我唔想比你有一種性大過愛既感覺，更唔想你覺得我同你一齊係為左搞野，我同你一齊，真係出至個心，每當見到你，明明爆燥緊既我，都會變得好平靜，而且你身上比到我一種初戀既感覺。」