分手後，遇上你: 文字中的感情

「丫k，記唔記得你話過我既眼淚只准對你一個人流丫，你講得出呢句說話，證明你著緊我啦，既然你著緊我，點解今日要咁講野丫？係咪因為你覺得自己配我唔起丫？兩個人一齊，真係一定門當戶對先得咩？點解你好似古時啲人咁諗野？丫k，兩個人一齊，講既係個愛字，如果有呢個字，咁點解仲唔可以係埋一齊丫，點解仲要顧慮背景既問題，如其顧慮，倒不如你去爭取啦，以上既呢番說話，其實只係希望你嘗試放抵你顧慮既問題，而去同我一齊，因為我真係好中意你，好中意好中意，我唔想比自己去後悔，所以我先會講咁多野，希望你睇完，會好好考慮我講既野。」
點解要出難題比我，我明明就係一個懶人，只要問題有少少難，我就會選擇去逃避，因為我好怕麻煩，哪怕激嬲左條女，我都會懶得去諗應該點哄。
但係今次唔同，今次我唔想再逃避，因為我同Jessica一樣，我怕後悔，今日我原以為會失去，但以家個天重新比一次機會我，我諗我真係應該好好諗下。因為咁，我一晚冇訓，中間有打過比丫諾，問下佢意見，不過佢冇聽電話，可能係較左靜音掛。
一直到六點，我諗通左，我起身洗頭，再整個靚仔髮型就出左門口，面對自己既選擇。