分手後，遇上你: 我們在一起吧

出左門口，見時間仲早，打算係屋企附近既m記食番個早餐，再番學校揾Jessica，講出我既選擇比佢知，點知好衰唔衰，掛住諗一陣間既對白，搞到行過龍，遊魂既情況下去左Jessica屋企樓下。
原本打算走嫁啦，因為味諗到應該點講，而且唔想咁快面對。可惜，想走既時候撞到個朋友，名為老鼠，人如其名，個樣成日鬼鬼鼠鼠咁，佢見到我，立即就鼠過打招呼，仲傾左陣計，佢見冇咩特別野傾，所以走先。正當我都諗住走既時候，後面有人大聲叫丫k。
頭都唔洗回就知佢係邊個啦，Jessica行埋黎，成個好奇寶寶咁既樣問我「點解你會係到既，想請我食早餐丫？」我心諗既然味諗到點講，請佢食早餐，等自己有啲時間諗下都唔錯啵，之後我好大方咁講「食咩你話事，錢唔係問題！」呢句一出，我自己都怕怕，因為講完先醒起，身上好似得五十蚊，希望佢唔會食咁盡啦，如果唔係中午我實餓瓜。
可能佢同我有心靈相通啦，佢選擇既係食m記。行去食既途中，佢冇啦啦問我「你仲味答我，點解你會出現係到，係唔係因為我琴晚打既野？」望住佢對眼，我深呼吸，只係講左幾個字「Jessica，我地一齊啦！」