分手後，遇上你: 失眠的一夜

「做咩事喊丫你，比人串既係我啵，我都味喊你就喊啦，喊包！」我一邊講笑咁安慰佢，一邊用右手既大拇指幫佢抹眠淚。佢喊住咁答我「我………………我………我唔……中意佢咁踏你，而且你……邊有配唔起我丫………鳴……」
我聽完真係得啖笑，因為估唔到佢咁顧我既感受，而且仲冇睇我唔起。無錯，我有時會諗，自己會唔會有啲配唔起佢，因為話曬人地十歲就環遊世界過，而我咁大個，就連香港都有好多地方冇去過，因此有時我都會幾自卑。為左避免呢種自卑感，每當佢講起有關佢旅行既野，我都會選擇唔識都要扮曬識咁。
正當我諗緊野既時候，佢停止左喊，用一種好認真既表情問我「丫k，如果我同你講，我…………我鐘意你，你會唔會信我？」當佢問完之後，塊臉慢慢變紅，慢慢就紅到好似蘋果咁，聽完之後，我真係呆左，因為我估唔到佢會咁問，之後我仲開始幻想如果同佢一齊會點，但海腦一句彈左出黎「我覺得你真係配唔起人」，就因為呢個說，將我帶番去現實，可能我真係配唔起佢。
「我信你鐘意我，其實我都鐘意你，但背景既問題唔准許我同你一齊，對唔住，希望我地可以繼續做朋友。」
佢聽完之後，只係講左一句「對唔住，你當我冇問過。」之後就咁跑走左，我望住佢既背影，只係希望自己叫番說話唔會傷到佢。
番到屋企既時候，丫媽見我呆下呆下咁，佢就用佢好厚肉既手，一下拍落我背脊，但我依然呆下呆下，番到入房，不斷回想岩岩既情節，慢慢我就訓著，醒既時候，已經係晚黑十二點，我見咁夜，而且又唔肚餓，打算就咁接住訓落去，但呢個時候，whatsapp響左一聲，我睇完之後，成晚直至清晨我都冇訓過。