分手後，遇上你: 再次哭泣

「丫k，你一陣有咩做丫，一唔一齊去食野？」Jessica心情好似好好咁，連叫我個時把聲都甜過人，我好無奈咁答番佢「如果你願意等我一個鐘，我就陪你去啦」，Jessica諗都唔諗就答我「好丫，咁我去圖書館睇住書等你啦。
一個鐘之後，我同Jessica有講有笑咁一齊行落山，我地行左去天后一間店都食香香雞，本來都唔想食煎炸野，因為怕爆倉，不過佢開心就得啦，局住咁食。食完之後諗住一齊行去坐2號屋企既時候，竟然撞番以前個女朋友，佢望一望我，再望下Jessica，之後竟然行黎同我打招呼，為左表示我家教好，我冇無視佢，我好有禮貌咁同佢say左個hi，佢問我「呢個你女朋友丫？幾靚女啵，不過可惜，你配唔起人囉我覺得，唔好阻住人地既幸福啦。」聽完之後我真係一肚火，正當我想發火個時，Jessica冇啦啦一下打左落前女朋友到，好大聲既一下「啪」，我都呆左。
雖然識Jessica唔係好耐，不過真係一次都味見過佢郁手，呢次竟然為我出手，即時令到我好鬼感動，眼淚差啲忍唔住噴埋出黎。條女比人車左一下，臉上出現一個紅紅既手掌印，之後隻眼開始轉紅，好似想喊咁，然後好串咁講左句「仆你個街，睇路丫八婆！」之後就走左去。
正當我想多謝Jessica為我出手既時候，佢竟然冇啦啦喊起上黎，之後我好緊張咁一邊幫佢抹眼淚，一邊問佢做咩事喊。