《我老婆唔係我女朋友》【那些年／日常／校園】 第一至三章: 【第一章】 肯定是好感多於好奇（1）
肯定是好感多於好奇
那些年互聯網並未普及，個人電腦又貴又慢，普遍沒有配備網絡功能，而且影片壓縮和串流技術還未萌芽，手提電話（大哥水壺）就只能通話，想自閉睇片聽歌，就只餘看電視、聽收音機或是買唱片這些途徑了。
後生廢青沒有什麼平價的娛樂，去戲院睇戲已經算是高消費的活動，太早返屋企又唔知做乜好，所以毒隱多數去機鋪打機、上波樓篤波、逛吓毒男商場之類，可是如果有女同學加入時，這些活動是不被接納的。因此當年由日本引入「K歌文化」後，這類K場就瞬間爆紅，促使很多音樂教室和band房轉型。
由於機器成本低（那時候未有電腦選歌，要飛紙仔人手入歌），容易進入市場，致使K場如雨後春筍，Big Echo（1991），Neway（1993)，加州紅（1992）等大集團紛紛搶灘，而競爭激烈，使平均收費愈搶愈平；而且K場有冷氣嘆，又可飲飲食食，仲可以滿足表演慾，令唱K愈趨普及；進入平民化時代之後，有人經常走工、走堂去K場hea，可以由朝玩到晚，11點就在門口等中午12點開門，有人起碼日唱十個鐘以上，比返工返學還勤力。
K歌文化當然亦影響了以後樂壇的生態，創作人開始寫一些歌唱技巧較低，容易琅琅上口的K歌，製作單位又會將MV的製作提升到電影級數的規劃，有大型K場甚至會資助歌手，還有就是歌手以組合形式出道，專門演繹合唱用的K歌（大家還記得張C霖和許C怡嗎？）