《我老婆唔係我女朋友》【那些年／日常／校園】 第一至三章: 【第一章】 黎G是佢同學！？（２）
黎G！？無錯，就是飾演陳浩南條女細細粒，做到街知巷聞的那個女演員。當年的黎G已經出道好幾年，客串過甚麼「新開心少女組」，最近兩年又在三色台拍劇，幾乎隔晚在電視也會見到她，所以她對廢青們都有一定吸引力。
然而馬飛呢條友最為人津津樂道的，就是「聲稱」以前是她的中學同學，又話好熟又有佢電話云云，經過我們fact check之後，表面證供是成立的，因為佢哋確是同屆【腥賭中學】的校友，只是無法證實是不是同一間分校而已（當時未有起底組，資訊並不流通）。
「都話你班粉皮，畀個電話你有幾難，你打去人哋又唔知你乜水，咪又係喺門口啄吓啄吓。嗱，搵日我約埋佢一齊出來唱K，噉先正路嘛。」馬飛好整以暇，滋油淡定的回應，我有理由相信這是他的標準答案。如果有十大校園風雲人物，馬飛會因為黎G而每年都榜上有名。
理所當然地直到畢業，都無人見過阿黎G真人，此為我屆畢業生中第一大騙案。隨著後來黎小姐參演《古惑仔》電影和推出《白恤衫》MV，正式被確立為愛美神之後，馬飛的老母親更是其門如市，想唞吓都唔得，此後我們全系的男同學，每次見到馬飛的問候語自然而然都是：「門小你，黎G呢？」