屍殺某街50號: 屍殺某街50號 (二十四) 女神

「喂，亞鐵? 咩事呀。」女神嘅聲線喺另一邊傳黎，仲要問我咩事。

「吓，你無事 Ma，我好擔心你，我地點解可以走返出黎 ?」我唔理，繼續問，之後對面靜左好耐

「咩走出黎呀，你想講咩，咁怪嘅你講嘢。」無喇無喇，不赦島呀呢鋪真係。

「咁Jason呢，佢而家點 ?」我唔放棄，我好想好想搞清楚，呢一刻，我寧願有喪屍。

「點解你會識Jason ? 佢上兩星期去左外國留學喇，究竟咩事 ?」得 ! 好嘢，連Jason都搞掂埋。





「你而家喺邊，不如我過黎搵你好唔好 ?」之後我再細細聲講「你而家係咪有咩唔方便呀。」

「搞咩呀鐵你，我下個月都去澳洲讀書啦，我好多嘢做呀。」兩日時間，女神唔同晒，仲要走埋。

我盡最後努力問多呢一句「咁你仲記唔記得，我哋喺4樓嘅first kiss，我哋嗰晚發生嘅嘢，我揹住你...」

「都唔知你講咩!」對面cut我線。

事情到左呢個地步，我嘅眼淚忍唔住爆發出黎，屌，之前咁 L恐怖都無流過一滴馬尿。





喊完之後，我憤然起身，睇清楚電話有夠唔夠電，出門口，飛的去觀塘...

續 (二十五)