屍殺某街50號: 屍殺某街50號 (二十三) 劉叔

嗱，成件事黎到呢度，可以話已經完咗。個故事一開頭已經叫大家唔好當真，聽過就算。前面有人估我

個ending係一起身就發覺自己發緊夢ma，相信如果我咁寫，你地一定會屌到我標屎。

唔好意思，偏偏我嘅記憶就停左喺上一個post上面，我當時明明喺木屋入面，頂住啲傢私，震驚緊一個陰

謀論。

下一秒，就已經發現自已扒左喺屋企部電腦前面，睇返日子，距離我出門口的確已經過左兩日，電腦入便係出門口前睇緊嘅高登j圖post。





咩事，唔知 !

我自己一個人住，我唔知可以問邊個。

我全身上上下下都無穿無爛，又係著返出門口前嘅衫，少少污跡都無。

我呆左好耐，我唔信係發夢，一切都太真實。

我衝落樓，我捉住由細睇到我大嘅看更劉叔，我話之前跌左隻錶喺大堂，我要睇CCTV記錄。





劉叔呆左咁望住我一陣，PlayBack返比我睇，我真係兩日無落街。

我繼續問個劉叔，我話我記得前日夜晚出去之前，明明同你吹左兩句，劉叔望實我，講左個 無 字。

喺呢一刻，望住劉叔嘅眼神，係呢兩日之中覺得最心寒嘅一次。


我突然間又醒起，不明物曾經彈過啲汁液落我隻手度，嗰時臭到hihi。

而家我聞下，的確得返平時用開嘅淋浴露味。我搵返部電話，啲電無少到。

之後又搵返啲App嘅記錄，無用過電筒App。咁電話記錄呢，Hi Hi

女神從來無打過比我。

點解可以消滅得咁撤底，係喎，我拍一拍我個頭，跟手打比女神。

續 (二十四)