屍殺某街50號: 屍殺某街50號 (十二) # Jason
一點光，喺啲咁嘅包皮環境呢，就真係難得一見嘅，唔停唔得，點都要搞清楚。
「好緊要，你等我一陣」我先同背上的女神單聲，之後我唔理咁多喇，向住頭先閃光嗰個方向摸埋去。
一道硬生生而又冰冷嘅接觸感傳埋黎，好明顯係金屬喎...
再大住個膽，加大範圍咁摸，因為唔知自己摸緊咩，一路摸，個心就一路吊住吊住。
好彩，摸個一條接口，腦入面就串連咗個貨lift嘅鐵門出黎，咁鐵門無理由識閃光嫁MA。
我估計頭先嗰一下閃光就係入便閃出黎嘅。
雖然我證實唔到我嘅直覺，不過唔知點解硬係覺得Jason喺入面...
我將個頭貼埋去，再對住條相信係貨lift鐵門嘅 Gap 位，細細聲講「Jason，係咪你呀」
問咗幾次，入面依然一粒聲都無，就喺呢個時候，我塊面唔小心令道鐵門推開咗少少...
哦 ! 道門開到既，之後我用手再拉開少少道門，呢個時候，Jason把聲出現啦。
「死開啲呀你地 ! 唔好引埋啲嘢入過黎呀!」
我聽得出，Jason而家就縮埋喺漆黑一片嘅舊貨lift之中，入面有啲味，我有啲懷疑佢標左屎。
「Jason，係我呀，你無事就好啦」一直擔心佢嘅女神喜出望外，但我就 Feel 到 Jason 嘅精神好似好唔穩定。
「走呀八婆!! 刪門呀!!」黑暗之中，Jason講嘅每一句都係一反常態，呢一下令我不禁產生咗少少戒心。
續(十三)