屍殺某街50號: 屍殺某街50號 (十三) # 即刻走
第一，我怕佢已經嚇到痴Q左線，最怕就有可能傷害我哋，到時仲恐怖過樓上班 Hi Hi。
第二，而家見唔條 hi hi，又唔知佢手上有無武器，於是我偷偷地拍一拍女神隻腳示意，希望佢明。
「Jason，係我哋呀，你冇嘢呀ma，不如比我哋入黎先講啦好唔好 ?」點知女神死唔肯放棄，繼續細細聲咁問 ...
我心諗，而家咁環境就真係唔入好過入。
「走呀 !! 聽唔聽到呀 !! 一日最衰都係你個八婆 !! 我好想走呀 !! 你哋唔好再累我呀 !! 走呀 !!」Jason今次終於好大聲咁爆發出黎 !
同我擔心嘅事一樣，佢真係痴Q左線。
我突然間感覺到一股風吹埋黎，自然反應之下，側一側身想話避開。
同時，我知道Jason已經衝出貨lift，聽返啲腳步，佢跑得真係好快，呢個好可能就係佢到而家都唔使死嘅原因，大獲 !!
佢跑返去前梯做咩呀，傻嘅都知嗰邊有嘢啦。我又唔理得咁多啦，大叫「Jason，呢便呀 !! 要行後梯呀!!」
而女神亦幫手叫佢唔好過去。
但無用，佢嘅腳步一步一步遠離我哋，我無可能追到，亦咩都見唔到。
呢一刻我無時間再諗痴Q左線嘅Jason，成個4樓經過我哋咁樣搞一搞，呢度遲早引晒啲咩肥男人、不明物落黎開Party。
我哋要即刻走，而家就要 !
續 (十四)