屍殺某街50號: 屍殺某街50號 ( 九) # 吻下來
我唔出聲，我標冷汗。
原來黑暗係可以恐怖成咁，仆你個街，我即刻幻想到個情景，頭先我一路摸住啲牆，有啲唔知咩就一路避開我。
女神頭先坐地下，佢Feel到我嘅走動，同時亦feel到唔知咩嘅走動，令佢以為我行黎行去行左7、8次咁多。
咩住先，我個腦開始浮現出一個更加恐怖嘅假設，輕輕一諗已經全身起晒雞皮...
就係，如果呢個單位有啲唔知咩係度，咁漆黑之中，一路同我打情罵俏緊嘅女神，會唔會唔係真嫁，仆街!證實唔到喎。
我靜咗好耐，女神都靜咗好耐...
我又心諗，你做咩唔講嘢呀，身有屎先會突然咁靜喎。
「做咩呀，人地同你玩下ja，見你咁辛苦，係啦，行咗幾次ma，嚇你ja」女神終於打破沉默。
玩 ? 唔信，無啦啦咁有深度嘅惡作劇邊係你諗得出呀。
黎到呢個位，我忍唔住大聲講
「 哦 ! 仲要嚇我，呢個理由已經出賣咗你啦，你剛剛先喺我搏頭喊，正常人仲邊有心情嚇人呀。」
「做咩呀，你傻咗呀?」女神把聲開始著急。
「哦 !! 著急啦咩，你講，你係何方妖孽。」
黎到呢個地步，唔知點解我就係偏偏唔肯信人，可能因為我咩都睇唔到，又或者成晚真係嚇夠，所以我覺得無嘢係真嘅，屌你連窗都可以係假，咁即係咩都可以係假啦 !
我開始明白啲人點解係要落黎香港搶水貨，我只係知我呢一刻好無安全感，我要自保。
我大叫，差啲衝埋出門口...
呢個時候，女神抱實咗我，跟手用個咀仔封住我。
算，呢隻香味，的確屬於100%的女神。
續 ( 九)