屍殺某街50號: 屍殺某街50號 (八) # 誰在圍圈
一下子無左求生嘅希望，搞到咁嘅田地，我已經無晒力喇。
我坐咗埋女神身邊問佢
「而家好啲未呀 ?」喺完全嘅黑暗之中，我拍一拍女神個頭。
「鐵，你估Jason會唔會有事呀。」女神依然擔心Jason，不過我唔怪佢，話晒都係一齊入黎呢個鬼地方，點都唔想佢有事。
於是安慰咗女神兩句，我又進入沉思之中。
我想組織返成件事出黎，但啲女人就係咁，平時你同佢講嘢呢，就一句起兩句止，到你真係諗緊嘢呢，就會撩返你講嘢。
「鐵...鐵呀，頭先多謝你揹咗我咁耐。」女神把聲好溫柔，搞到我咩都諗唔到。
「客咩氣呀，識咗咁耐，唔通唔理你咩。」
女神靜左一陣「鐵，我覺得你今晚好似唔同咗呀。」
嗱，幾毒都好，點都聽得明呢句有啲嘢。即刻試探下先「點唔同呀，咪又係傻下傻下。」
「頭先你揹咗我咁耐哩，我覺得好有安全感，到你放低我嗰陣，我有啲唔想囉。」講真，女神失驚無神講句咁嘅嘢，我又有返力喇，人嘅身體真係好奇妙呀。
「咁我頭先想搵個窗做出口ma，咪圍圈搵囉，點知周圍都係牆。」我而家先解釋返剛才嘅舉動。
「咁點解你要圍圈行7、8次咁多呀。」喺漆黑一片嘅單位之中，女神用好好奇嘅語氣，問咗個對我黎
講，好恐怖嘅問題...
我行咗4次JA，姐姐。
續(八)