當問題少年遇上問題少女: 72.勇戰受傷

阿爸兩下掌聲令我回魂
 
「好啦，上場啦」
 
「上場?」阿晴仍然一面呆
 
「放心啦，冇指示我地都打到波架嘛」
 
阿晴跟住我行出場
 




「係咪真係得架?」
 
「只要開開心心打波咪得囉，唔洗理贏輸架。唔通妳想唔開心咁打波?」
 
阿晴諗左諗答我
 
「又唔係嘅」
 
「咁妳同我打波時開唔開心丫」
 




阿晴聽到我咁問就好怕羞咁答我
 
「你…你知架….我同你都錫左啦…同你打波點會唔開心者…」
 
「咁咪得囉，我地打完波再一齊行街囉」
 
「咩…咩喎!!!咁簡單就要我做你福晉呀?你諗得太天真啦」
 
阿晴企定定嘟長個咀
 




然後….我行去佢面前，彈左佢額頭一下
 
彈完佢之後發現佢紅面面咁，微笑望住我
 
「我唔當係架…我要你正正式式同我講清楚架」
 
我搣一搣佢個鼻
 
「無論贏輸，妳都會係我福晉」
 
佢好開心咁打左我一拳，之後我地各自企好位
 
第三局，決勝局開始!!
 
對方開出一個波，今次佢地都好謹慎




 
因為已經係決勝局
 
頭五至六分，大家都互有領先，如果一有失誤的話…
 
所以第三局係比較悶，大家似係到互猜咁樣
 
其實我咁做，係等緊
 
等咩?就係等對方發起攻勢果一刻
 
因為梓晴好擅長打反守為攻
 
終於…對方開始猛攻，正中我地下懷
 




我地同時發起反攻，一時間氣氛非常緊張
 
只要有一下失誤，就足以影響戰局
 
場內場外都非常安靜，我地四個每一球都好用心打
 
大家變得非常享受比賽
 
但始終，呢場係一場比賽，仲要係決賽
 
所以激烈程度一定好大
 
去到11-9時，我地落後2分
 
到11分果陣，我地有30秒飲水時間




 
Polly幫我地抹好汗後，我地兩個再踏出球場
 
期間我地一句話都冇同對方講，因為大家都想爭取時間抖下氣
 
我臨行出場時，阿爸拍一拍我隻左手
 
我亦知道佢想我做乜
 
比賽繼續
 
每一分都得黎不易
 
直到去到18-18果時…….
 




地下上嘅汗愈來愈多，因為我地唔係職業賽，唔會有人幫我地抹地下
 
對手吊一個高波過阿晴到，佢退後退唔切，正當個波就黎落地in果時，我係老遠殺到
 
飛過去伸盡右手同塊拍，希望救到呢一球
 
同時我右手著地，聽到”架”一聲
 
我隻右手好似….甩左骹….痛意好快傳到我全身
 
呢球救唔到之餘，我仲係呢個重要時刻受傷