當問題少年遇上問題少女: 73.解除封印

裁判立即叫停左比賽
 
急救人員過黎摸一摸我隻右手，發現甩左骹
 
雖則問題唔太大，但都好痛
 
兩個教練係到傾，諗緊會唔會認為棄權會比較好
 
「阿傑你認為呢?」紫菜將個波交返俾我
 




我環顧四周。兩間學校嘅羽毛球隊都等緊我自己做嘅決定
 
而我都做出左一個決定
 
「裁判我可以繼續」
 
裁判考慮左一陣後宣佈「比賽繼續」
 
現場所有觀眾都唔可以相信裁判所講嘅說話，所以佢再宣佈多一次
 




「應華仁及真光聯隊代表要求，比賽繼續」
 
已經準備慶祝嘅對手紛紛放低手上嘅毛巾，而對方教練亦走出黎抗議
 
後備席箱好多同學隊員紛紛走過黎我身邊
 
唯獨係阿爸知道，係我身上嘅枷鎖，今日將會俾我打破
 
急救人員係我右肩綁上彈性繃帶，以防止更嚴重甩骹
 




然後我起身，行上球場
 
「傑…..傑呀….你真係要繼續?」梓晴係我身後不停問
 
我轉身對住佢講「我唔想同妳行到呢一步先投降」
 
「但係我地仲有出年丫嘛」
 
我擰擰頭
 
「妳望住個鐘，呢一分鐘過左就係過左，永遠唔會再返黎。」
 
佢又真係望住個鐘喎，所以我再順勢講
 
「所以我地今次機會只有一個，下次又會唔同情況，所以我想捉緊呢個機會」




 
梓晴自已企係到諗緊我所講嘅野，自己係到思考
 
「即使呢場係你最後一場比賽，都冇所謂?」
 
「同妳一齊打…同自己福晉打，我仲有咩所謂」
 
「咩呀…我未應承你架….打贏左先啦」
 
我地兩個再次企係球場上，唔同嘅係，我用左手握拍
 
最後呢三分，我要一口氣贏返黎
 
對方見我用左手握拍，佢地希望儘快解決呢場比賽，所以佢地一開波就向我猛攻過黎
 




頭幾球梓晴不停左飛右撲咁護住我
 
大家都認為我地應該放棄比賽，係一下大家冇為意情況下
 
我跳起…用左手殺左一球
 
我殺呢一球比平時球速更快、力度更狠
 
對方女隊員想接呢一下，但球速實在太快，佢只係塊拍輕輕掂到個波
 
然後就係一下in
 
大家見到我呢一下跳殺後，先開始Load到發生咩事
 
事實係，我一直將自己左手封印




 
因為我咁多年都係控制唔到殺波嘅力度
 
「左拗…」
 
我可以用左手打波呢個事實，係場上只有我屋企人知道。如今我為左比賽，要贏呢一場比賽而將自己左手解封