當問題少年遇上問題少女: 63.第一次搭電車

「嘩，檔野要搭地鐵去咁遠架?」
 
「好食嘅話，我搭飛機去都冇所謂呀」
 
「真係咁好食?」
 
「妳試下咪知囉」
 
我地兩個人坐係地鐵上，不知不覺，梓晴都會雙手撓實我或者挨住我坐
 




係不覺意之間，我地兩個嘅距離已經愈來愈近
 
終於到左葵芳，我帶佢落車
 
「帶我黎葵芳?唔通間野係葵廣入邊呀?」
 
「當然唔係啦」
 
我帶住佢去另一個出口
 




寫住”強記小食”
 
「拿，呢檔D魚旦燒賣好好食，牛肉又大粒」
 
我帶住梓晴去買左幾串魚旦、牛肉果D，搵位慢慢食
 
強記嘅魚旦好彈牙，辣汁又一流，牛肉又大粒夠肉
 
梓晴佢食得好開心
 




「真係好好食喎，魚旦好彈牙」
 
「係呢，我以前經常黎食」
 
「因為陪Niki黎?」梓晴一下睇穿我嘅過去
 
咁佢又冇錯嘅，Niki經常要黎葵廣睇野，有時又話剪頭髮扔低我一個，所以我咪自己一個行囉
 
又俾我搵到檔咁好食嘅野，從此我一口痕，就會搭車黎食
 
男仔食親呢d野呢，就一定係食到通面都係汁
 
梓晴見到之後，就拎出紙巾幫我抹咀
 
「你呀!!食親野都係咁污漕架」




 
「有咩所謂」
 
「咁額娘洗衫好辛苦架嘛」
 
「咪又係洗衣機洗」
 
梓晴打一打我個頭「丫!!!你真係唔知道用手洗衫係幾咁辛苦」
 
「係啦係啦，妳都係唔好再用手洗衫啦」
 
「點解呀?」
 
我捉起佢對手「妳睇下」
 




「做…做咩喎」
 
「妳係女仔，都要好好保養下自己雙手架嘛」
 
梓晴好快收埋自己隻手
 
「怕咩喎」
 
「妳食完野，想去邊?」
 
「唔….陪我睇下野囉」
 
「妳有野想買?」
 
「我想知Polly同你行街果時，著成點」




 
「咪著校服囉」
 
「每次都係咩?」
 
我點想返Polly第一次同我行街嘅情況
 
「唔….第一次咪長裙，高身少少d涼鞋囉，仲有幾次著平底鞋、波鞋」
 
「佢每次都著裙?」
 
「都係嘅」
 
於是我地兩個就去睇以上嘅野
 




不過價錢唔平架
 
我開始get到梓晴佢諗咩
 
佢可能想參考Polly嘅形象
 
正當佢睇緊鞋果時，我同佢講
 
「妳想拎住野同我行街?」
 
「唔….拎住又好似…」
 
「妳想買果對鞋?」
 
「嗯」
 
「好簡單者，呢到俾錢，遲D返旺角拎咪得囉」
 
於是梓晴試左兩對減價款
 
一對高身涼鞋同一對平底鞋
 
正正係Polly果款鞋
 
我地俾左錢繼續行街
 
「估唔到妳都會買野架喎」
 
「咁而家….唔洗俾租金果d，會多返錢用」
 
「總之妳而家呢，唔好擔心住同食」
 
「不過總要俾返錢你地架….」
 
「阿爸話唔洗喎」
 
「但係….」
 
「妳自己都要儲錢讀大學丫嘛」
 
「你理得我丫」
 
時間仲早，唔知佢仲想去邊呢?
 
「妳有冇地方想去?」
 
「唔……其實呢….」
 
「咩?」
 
「我未搭過電車」
 
「妳想試下?」
 
「嗯!」
 
「好啦，同妳搭電車，之後去食夜晚飯啦」
 
「你請我呀?」
 
「有咩所謂」
 
於是我帶左梓晴去堅尼地城，走上電車