當問題少年遇上問題少女: 62.我地第二次去街

「你地兩個係咪決定左一齊出賽?」阿爸咬住舊牛肉問
 
我亦都將口中舊牛肉啜入口，好滑好滑
 
「係呀，阿晴都可能會打埋女單」
 
「唔?阿晴妳咁勇猛?」
 
梓晴低頭食緊芋絲再望上黎
 




「係咁嘅阿瑪……我地女單球手…我地個隊長有腦腫瘤，良性，剛剛做完手術，未知可唔可以係學界比賽，所以我有機會代佢比賽」
 
「單打同雙打妳都打過?」
 
「嗯」
 
「呵，我真係對妳好有期待，想睇下妳打波」
 
「其實我打波….一般」
 




「妳太縑啦，有機會嘅話我都想同妳打一場」
 
「唔…都可以架」
 
「哈哈，我受唔到太劇烈嘅比賽啦，普普通通衛生波就可以」
 
阿爸開始佢嘅蠔宴，阿媽都買左好多返黎
 
「但係阿瑪，阿傑話你而家仲可以打贏佢喎」
 




阿爸笑左一笑，再食左隻蠔後
 
「冇錯，打體能打速度我一定唔夠妳地兩個打，但係一打技術，妳地未必夠我打，我有嘅係經驗」
 
「oo~really?」我將一埋金菇放入口到
 
「你咪睇少我」
 
我地四個繼續淥牛肉
 
「咁洗唔洗同妳地打場衛生波??」阿爸條癮開始黎啦
 
「有機會都可以呀」
 
「咁我就同你地約個時間打」




 
阿爸同阿媽去拎d雪涼左嘅涼茶果時
 
梓晴幫我淥左d野食
 
「打開口丫，餵你食野」
 
「呀~」
 
梓晴將d野食放係我個口到
 
「妳黎左差唔多成個月，妳習慣未呀?」
 
「點會唔慣，仲好開心添」
 




「妳開心就好」
 
「咁你…想唔想我一直係到住?」
 
「妳總要嫁人架嘛」
 
「或者…我嫁左之後仲係到住呢」
 
梓晴郡主算唔算係明示緊，佢想同我行多一步?
 
正想我回答果時，阿媽拎左d涼茶出黎俾我地
 
再一次舒緩左氣氛
 
打完邊爐，我地每自返房




 
我拎起電話，就見到梓晴佢wts我
 
“聽日有冇野做?”
 
“冇呀傻妹，妳想做咩呀?”
 
“唔…想行下街”
 
“好啦，同妳出去啦”
 
第二朝起身，我同梓晴換好衫就出去
 
今日佢又再一次著裙出街
 




「無啦啦妳又想去街嘅?」
 
「咁…Polly夠同你去過街啦，唔通我唔得咩?」
 
我地一出到去，就行到好近
 
有幾次我隻手仲掂到佢隻手
 
今次應該係我第二次同佢一齊行街
 
「係喎，妳幾時生日?」
 
「我?27/9囉，做咩事?」
 
「咁都要送d野俾妳架嘛」
 
梓晴笑笑口咁講
 
「你肯陪我，就已經足夠啦，邊洗買咁多野」
 
經過小食檔，我望一望佢
 
「妳以前有冇食街邊野架?」
 
「尖沙咀同旺角D野都唔好食」
 
「妳鍾意食咩先?」
 
「不外乎魚旦燒賣」
 
諗起魚旦燒賣，我諗到有一檔非常好食嘅，一定要帶一帶佢去
 
「跟我黎啦，我知道有一檔非常好食嘅」
 
然後我帶左梓晴上地鐵