當問題少年遇上問題少女: 59.完成手術

到左Polly做完手術第二日，我地幾個連同d隊長s一齊去探佢
 
Polly不愧係有錢女，佢住嘅房都係私人房(應該係有保險claim)
 
係房中除左Polly之外，仲有Maggie係到陪佢
 
我地將一張簽滿哂名嘅咭送俾Polly
 
「Florence….Caroline….」
 




「Polly唔該妳快d起身，冇左妳嘅話今年會好悶」
 
「我派Jessie一個同妳地較量已經足夠，唔需要我落場掛」邊咬住薯片嘅Polly笑住同Caroline講
 
「咁串?」
 
「大家咁話啦」
 
「Polly，醫生話妳可以再打返波咩?學界妳趕得切?」
 




「我個手術唔洗開髗，應該冇咩問題」
 
「咁妳快D復出，我真係想同妳地兩姊妹打返場雙打」
 
「我地?家姐，佢挑我地喎」
 
「一係妳book會所，然後Caroline妳地黎囉」
 
佢地四個隊長嘻嘻哈哈係到講笑、講是非，通常係女校有小道清息傳出，就好快就會通哂天
 




特別係真光呢d姊妹校
 
當梓晴去幫Polly買野果時，佢地四個以不懷好意嘅眼光望住我
 
Polly俾個眼神Maggie
 
「阿傑哥仔呀，我地有D野想問問你架」
 
我眼前出現左四個女魔頭，頭上有角，口露尖齒咁望實我
 
好似準備將我生吞咁樣
 
「咩….咩事呀…四位隊長」
 
Caroline用好高冷嘅眼神望住我




 
「我地想知點解果日你會陪Jessie走遍幾間學校，呀…應該話點解佢會搵你，以我地Jessie嘅認知，佢性格係非常孤僻，唔鍾意同人講野、有指示就照做之類」
 
「咁…佢係呀」
 
「但係Polly話自從佢改為同你拍檔之後，佢嘅性格好似變左第二個人咁樣，有咩原因呢呵?」
 
我不停R頭諗下點解
 
「可能….唔….可能因為….」
 
「因為你地兩個都係滿洲旗人?」
 
「可能係掛…」
 




Florence係另一邊食住薯片講
 
「我睇唔似喎，果日佢望你嘅眼神好似好有安全感」
 
「你地兩個，一個鑲黃旗，一個正黃旗，祖先又係康熙嘅輔政大臣，幾好幾襯呀，怪不得你好似睇唔上我阿叔個心肝寶貝」
 
「家姐，呢d冇得迫嘅」
 
「你又送左Niki兩塊拍俾佢，而家你地又有對一模一樣嘅鞋，仲有!!」
 
仲有咩呀?
 
「有人見到Jessie經常出入你果座大廈喎」
 
唔通….咁快就俾人知道哂?




 
「阿妹，妳好似話過Jessie係自己住架喎」
 
「係呀，佢應該係自己住上海街天台屋」
 
然後佢地四個一齊望實我
 
「你好快d講啦，呢d關乎女仔嘅名聲架」Caroline d殺氣又再出現啦
 
「講啦!!!講啦!!!!!」我俾佢地四個夾擊
 
呢個時間，梓晴返到黎
 
佢見到呢個情況，佢唔知發生咩事
 




「做咩呀?」
 
Polly坐係病床上望住我地兩個
 
「Jessie，我地四個唔係多事，不過已經有小道消息話，妳同阿傑同居，如果傳左去老佛爺到……妳明啦，妳仲要獎學金讀大學」
 
「下….呢層…..」梓晴顯得有d唔好意思
 
所以就由我代佢答
 
「我將屋企間房租左俾佢，因為上次打風發現佢屋企比較危險。呢個提議係我屋企提出嘅」
 
佢地聽現呢個消息後，好努力消化緊
 
「至於係唔係同居呢，就交俾大家定奪啦」
 
佢地四個你眼望我眼，然後Polly先開口講
 
「我地唔係唔信妳地，但係如果老佛爺問起的話….唔….」
 
「妳地成隊要夾口供先得架」Caroline提醒Polly
 
「係…係….所以呢…」
 
「所以咩呀?」
 
「我地要一齊上你屋企坐下，玩一兩次咁樣啦，放心啦，我地唔會拆左你屋企嘅」
 
一聽到佢地話要黎踩場，咁先最唔放心呀
 
「放心喎，我地唔會亂黎嘅」
 
點解佢地講到好似會集體剷上去我屋企咁?