當問題少年遇上問題少女: 58.一個打妳地兩個

呢班大家姐真係惡，我企係梓晴前邊保護佢
 
「咁多位大家姐，Jessie佢今日真係冇帶架撐，如果妳地唔介意，不如由我向妳地領教一下好嘛」
 
Caroline上下打量我
 
「你邊位?」
 
「我係Jessie混雙嘅拍檔，有冇資格同妳地較量較量?」
 




佢地一班女仔商量完畢後再答我
 
「你係男仔，你會唔會讓我地?」
 
「冇問題丫」
 
「咁我地一打二可唔可以?」
 
「冇問題」
 




佢地再傾一傾後
 
「成交!你可以換衫」
 
「好丫，請問男洗手間係邊?」
 
「咩呀?!係到換囉」
 
「係…係到!?妳地女仔黎架喎!!!」
 




「怕咩呀!?換定唔換!!!」
 
「換……」
 
我當我除件衫果時，佢地成班走到好近，仲要拎埋電話出黎影
 
「喂….我換褲啦喎」
 
「除囉!!定係你想我地幫你除呀?」
 
「好….我除」
 
為左保護自己，我早就係入邊著定短褲，所以我一除果陣，就引黎唔少噓聲
 
「搞錯呀!!!Florence佢地有著數我地就冇!!!!」




 
「呀……可以開始未呀?」我眼前一班並唔係羽毛球隊隊員，而係一群女色魔
 
「三局兩勝，我地二打一，有冇問題?」
 
「開波啦」
 
我今日對上嘅係港真羽毛球隊隊長Caroline同副隊長Jacqueline
 
Jacqueline 一發球過黎，我都好有風度咁點返俾Caroline
 
點知呢個隊長果然係心狠心辣!!!就係我回波去到佢果到時，已經升起個人，跳殺
 
佢殺波嘅聲音好響。球速好快
 




我要彎低身先救到呢一球，仲要係好勉強咁救到
 
但係，天助我也
 
係我救波果一下，其實係撻撻地Q
 
個波係網頂到挨一挨，然後好冇力咁跌落對面場區
 
咁樣我就拎到一分
 
1-0
 
「死符轆!!!!」Caroline向我方場區咆哮
 
用幸運成分黎拎分都唔俾，呢位隊長真係專制過呂后




 
換轉到我發球，因為我得一個人關係，所以我就開d傳統少少，初學者嘅高遠球同佢地慢慢玩下
 
突然間副隊長Jacqueline一下跳殺，個波冇剛先Caroline果球咁快，但角度勺轉
 
我要橫身反手伸到盡先有可能救到
 
但眼見呢一下，應該飛盡都未切救到
 
所以我用左呢個方法……
 
平時正經打波係絕對唔會用到
 
今日招呼下呢班大家姐，所以就同佢地玩下
 




我轉手用左手橫身救左呢一球
 
然後立即起身換返右手再企返去中間
 
佢地俾我呢一下神來之筆嚇一嚇，打亂左陣腳
 
所以只可以求其回返個波過黎
 
就係個波飛到過黎我果場區果時，我又表演下跳殺
 
“啪”一聲非常之響
 
個波係兩個人之間落地
 
2-0
 
「點呀?兩位，仲打唔打呀?」
 
Caroline俾我咁樣串一串法，塊面嬲到紅哂
 
「打….當然打啦!!!」
 
「咁我要side bet喎」
 
「怕你麼!!!想要d咩」
 
「我要妳電話號碼」
 
Caroline聽到我咁講，塊面就更紅
 
「痴….痴線啦你!!Jessie呀!!!妳…妳管教下佢啦!!!」
 
係場邊睇波嘅梓晴一面無奈咁表示，幫佢地唔到
 
佢地兩個俾我咁玩一玩，成場波都冇咩專心咁打過
 
所以我好快就搞掂左佢地
 
咩野真光大家姐喎，原來咁易受人擺佈
 
不過話明大家姐，佢地都唔係人咁品嘅
 
當Caroline帶住我地拎張祝福咭去俾校長同教練簽名之後
 
佢地呢班女色魔嘅真面目終於露出黎啦
 
我再一次俾一大班女仔圍住
 
「喂喂!!!Florence佢地有雪糕食，咁我地呢!!!」
 
點解要請佢地食雪糕?
 
「妳地輸左俾我喎，點解要我請妳地食雪糕，應該係妳地請我食先係」
 
「係咪要我地請你食呀?」
 
「當然啦」
 
我轉身望見梓晴，佢已經走到好遠
 
然後我聽到……
 
「姊妹!!!綁實佢!!!打開佢個口!!!!!我地一人請佢食一杯雪糕，食唔哂唔准走!!!!」
 
最後我都係死死地氣去買雪糕俾呢班女色魔食
 
佢地食得好開心
 
「Jessie，我地全部都簽哂」Caroline將祝福卡遞俾梓晴
 
「唔該哂妳…」
 
「Polly個單打位….妳會頂上?」
 
「我都唔知，冇理由叫Maggie轉過我地到…而且Polly都唔會俾佢家姐咁做」
 
「放心啦，Polly唔會咁易認輸，妳未出現之前，佢可以係感冒加m到同有腳傷情況下，同我打足三局，打到deuce，佢先輸俾我，妳地隊長嘅堅持，唔可以睇少」
 
「係…」
 
「Polly佢幾時做手術?」
 
「下星期….詳情要問Maggie先知」
 
「咁呢張咭妳就代我地交俾佢啦」
 
「知道…」
 
「下次係聯校賽到，我唔會留手」
 
Caroline送我地離開學校，佢真係好有霸氣
 
「係喎，佢咁有霸氣嘅?佢仲文名叫咩?」
 
「幗敏，方幗敏」
 
估唔到中文名更加有霸氣