當問題少年遇上問題少女: 60.日久生情的感覺?

望一望梓晴，佢有少少尷尬，但係又有少少開心咁
 
我地係屋企入邊果時，梓晴好鍾意黎我房到坐，甚至攤係我張床到
 
當然我地會打開門
 
「喂喂，佢地今日講D咩呀?」梓晴攬住佢枕頭，係我間房再一次走哂光咁坐係到講
 
「唔?幾時?」
 




「我出左去果陣囉…」
 
「佢地咪問我地係咪同居，點解妳同我拍檔左之後，個人性格變哂咁囉」
 
「咁…唔好咩?定係佢地鍾意以前嘅我?」
 
我轉張椅對住佢「妳笑返，開朗D好過以前咁樣，成日都板起塊面，黑口黑面丫」
 
「咁….即係你鍾意我而家咁樣多D?」
 




「咁當然啦，郡主應該笑得開朗D架嘛」
 
「唔…..我為你而改架咋」
 
「咁妳幾時開始改變?」
 
「幾時呀….唔……你抱我返屋企果次囉」
 
「果陣我識妳冇耐咋喎」
 




梓晴面紅紅對住我
 
「咁…我覺得你唔會呃我嘛，你又對我坦坦白白，又咁照顧我….為你改變係好正常架」
 
然後我聽到佢好細聲講左一句野
 
「唔通你想你福晉一日到黑都板起口面對住你咩?」
 
「下?妳講咩話?」
 
「冇!!!冇呀!!!佢地係咪會話上黎玩下咁呀?」
 
「我叫佢地上黎，咪要話俾人知，妳係我屋企住，同埋一齊諗下，如果遇上體藝果班羽毛混雙，我地要點打囉」
 
「體藝?你有冇片?」




 
「上你條管有得睇下嘅」
 
係你條管上邊，我同梓晴睇緊近年混雙比賽
 
佢拎住包薯片睇得好入神，當佢專心做一件事果陣，佢係非常專注
 
而我，就專注係佢對又長又白嘅長腿之上，仲有佢果對唔大唔細嘅小籠包到
 
可能我太專心睇佢關係，終於俾佢發現左
 
「你好鍾意我對腳咩?你成日都裝我」
 
當時我先如夢初醒
 




「下!!唔好意思….即係我呢….其實」
 
梓晴面紅紅，不過又唔嬲咁對我講
 
「我同你…兩個人時候…你望就好啦….遲D佢地上黎….我都係著返長袖比較好」
 
氣氛突然間好尷尬，正當我想開口講野時候
 
大閘傳出開門聲
 
阿媽返黎啦!!!!!!
 
梓晴每一次都好乖咁幫阿媽手去廚房準備晚飯
 
今日亦都唔例外，阿媽返黎正正解救左剛先我地兩個尷尬嘅氣氛




 
梓晴佢話，唔想我福晉成日黑口黑面，所以佢自己肯改變
 
佢咁講，即係暗示?
 
其實同佢相處耐左，愈來愈清楚佢係咩人
 
佢只係怕受到傷害而收埋自己
 
自從同佢拍檔，我抱佢返屋企之後。我同佢關係好左好多，佢同其他隊員關係亦都親近好多
 
當佢搬黎同我住後，笑容比以前多左好多，而且佢肯開口同人講野
 
識主動去關心其他隊友
 




可能真係我改變左佢?
 
但係我係咪真係對佢有意思呢?其實都有少少嘅
 
我唔係因為大家都係滿洲人而對佢產生好感
 
我對梓晴果種感覺….係果時Niki俾唔到我
 
難道我真係鍾意左梓晴?
 
係日久生情?