當問題少年遇上問題少女: 57.進入大坑真光

「咁球隊呢?妳而家負責?」
 
「唔係呀，球隊副隊長有兩個，一個係我，另一個….係佢」
 
梓晴指一指住我
 
「你係油真嘅副隊長?!」
 
「佢…應該話係隊長先啱，Polly係之前已經托佢帶住我地」
 




Florence望一望我再講
 
「難到你係Polly男朋友?!」
 
一聽到Florence咁講，我同梓晴碌大雙眼咁款
 
佢立即幫我解圍
 
「唔…唔係呀，佢同Polly…佢地兩個冇野架」
 




「嘩….Jessie…妳唔洗咁緊張喎」
 
「冇….邊有呀…」
 
「總之一陣呢，妳去到大坑就小心d啦，果班大家姐唔係人咁品」
 
「嗯…我知啦」
 
我同梓晴兩個係一大班小妹妹揮手下離開鴨脷洲
 




邊行去車站時，梓晴佢好似心不在焉咁樣，佢好似諗緊好多野
 
係車上，我忍唔住問梓晴
 
「妳冇事丫嘛，有心事?」
 
「我怕港真班大家姐唔肯簽呀」
 
佢講完，雙手撓實我，抬頭同我對望
 
「妳同佢地有牙齒印?」
 
「嗯….舊年…我一個人將佢地幾個主力打低哂….佢地應該對我恨之入骨。我仲要係大坑真光到，將佢地呢班大家姐打低」
 
「唔洗驚嘛，今日有我陪妳」




 
我地兩個就咁撓住手搭巴士，終於去到摩頓台落車，然後慢慢行上去
 
“香港真光中學”
 
不愧係四間真光之首，真光大家姐
 
佢地包埋幼稚園部、小學部同中學部
 
成個山頭咁款，就係大門口都有幾個
 
「正門呢?」
 
「呢個小學部架，中學部正門係上邊」
 




我同梓晴慢慢行上去
 
嘩….仲有噴水池添呀
 
「睇黎佢地早就知道我地會黎」
 
「點解妳咁講呀?」
 
「佢地已經企哂係到等我地」
 
我跟住梓晴視線望過去
 
有一班著黃色運動服同埋校服嘅女仔，撓實哂雙手企哂係到
 
佢地眼中充滿火花




 
睇黎一陣會有一場好戲上演
 
「妳一個人贏哂佢地D單打?」我係梓晴耳邊問
 
「嗯….冇一倖免」
 
「佢地真係好重殺氣，中間果個四眼妹係咪隊長呀?」
 
「你真係好好眼光，佢係港真首席球員」
 
「舊年佢輸幾多俾妳?」
 
「10分以上」
 




「咁妳今日叫我帶D野係身，係咪打算同佢再黎一場?」
 
「你帶之嘛，我著校服，點打」
 
港真有個隊員走出黎同校工講左聲之後，梓晴就啪學生證入去
 
佢地成班同時行到羽毛球場
 
我同梓晴兩個人對住一大班港真妹
 
首先梓晴行前同佢地講
 
「Caroline…..今日…」
 
「Florence同Maggie已經同我講左Polly嘅事，我地都知道佢就快做手術，我地都知道妳今日黎嘅目的」
 
「咁樣…..」
 
「不過妳覺得我地會咁易俾妳完成妳想做嘅事咩?」
 
梓晴咬一咬唇，雖然事前佢已經知道呢班大家姐一定會為難佢，但係冇諗過佢地會咁快就俾難題出黎
 
「妳地…想我點?」
 
Caroline拎住塊球拍指住梓晴
 
「妳可以再打贏我地嘅話，我地做咩都得」
 
「但係我今日著校服黎…….」
 
「呢個係妳嘅問題」