當問題少年遇上問題少女: 56.登陸鴨脷洲

「Jessie妳預張咭咁大嘅?」
 
「嗯…一陣我仲要去鴨脷洲同大坑」
 
「妳過鴨真同港真做咩呀?」
 
「大家叫相識…希望大家可以祝福下Polly….」
 
「鴨真都話冇問題，不過港真佢地….妳舊年咁樣大炒佢地，唔知道…」
 




「如果佢地唔肯，我都唔會迫佢地嘅……」
 
「妳一陣過去?」
 
「嗯」
 
「我幫妳打電話先啦，等佢地準備下」
 
「唔該哂妳啦」
 




「我唔該妳先真，妳咁幫手照顧我個妹，都唔該哂你啦傑仔」
 
「唔緊要丫，為靚女服務係我嘅榮幸」
 
「咁我靚D定我個妹靚D呢」
 
O….shit….
 
離開九龍塘，我地搭地鐵去到鴨脷洲
 




不過我地兩個都唔係好識路，所以都要問人地
 
當時個畫面好得意，一個著住真光校服嘅女仔問返路人真光係邊
 
搵左一陣，我地終於去到啦
 
“香港真光書院”
 
我地兩個係門口裝裝下，梓晴入去就一定冇問題，但係我一個男仔就…..
 
「同學，妳帶男仔入學校?」
 
我地同時轉身，見到一個女士係到
 
「妳…妳好，我想搵羽毛球隊嘅Florence」




 
「咁妳行入去咪得囉，啪一啪學生證啦」
 
梓晴好聽話咁啪左一下學生證
 
「嘟!」一聲之後，著左綠燈
 
「咦!!原來入得架!」我地兩個同時叫左出黎
 
「咁妳洗乜我陪妳呀」
 
「我…我點知喎」
 
身後女士聽到之後就對住梓晴講
 




「妳係真光女真院嘅佟梓晴」
 
「係…妳識我?」
 
果個女士微微一笑
 
「我點會唔識妳?妳舊年四真聯校運動會，羽毛球賽妳一個人打低左咁多對手，好難唔出名」
 
「唔…唔好意思」
 
「我係呢到嘅龔校長，請問妳黎做咩?」
 
一聽到係校長，我地兩個立即企好
 
「校長妳好」




 
校長上下打量我地兩個
 
「呢位男同學你又黎做咩呢?」
 
「校長，我係Jess今年羽毛球嘅混雙拍檔，我係九龍華仁嘅常子傑」
 
「好…不愧係華仁嘅學生，有禮貌，請問兩位有咩貴幹?」
 
梓晴拎左張祝福卡出黎
 
「校長，我地羽毛球隊隊長，發生有良性腦腫瘤即將做手術。所以我想搵齊四校羽毛球隊員，可以為佢送上祝福」
 
「我睇睇，哦，九真簽左啦喎」
 




「係….佢地隊長係我地隊長嘅堂家姐」
 
校長睇一睇後，帶我地去球場附近
 
「羽毛球隊!!!過哂黎!!!」
 
係校長一聲令下，羽毛球隊好快黎到佢面前
 
「Jessie，妳終於到啦，我地等左好耐。Maggie同我講左架啦」
 
「麻煩哂妳地啦Florence」
 
首先由校長簽名，其他羽毛球隊員陸陸續續簽上去
 
「Polly佢之前冇同妳地講過佢有腦腫瘤?」
 
梓晴擰一擰頭
 
「冇….我都係暑假前先歸隊，詳情我都唔太清楚」
 
「我知道妳會落場打學界果時，我有d驚」
 
「有…有咩問題?」
 
「好似謎一般嘅佟梓晴，係我地四間真光嘅首席球手，但係又偏偏唔鍾意出學界，妳話仲唔係一個謎?」
 
「Florence妳突然咁講又….」
 
「係咪為左打混雙呢?」
 
「唔……唔係呀….係教練同Polly誠意拳拳咁邀請我…」
 
「定係俾人地一拳拳咁攻向妳個心先係呀?」
 
「喂呀….」
 
梓晴塊面紅到一個點
 
Florence走到去我面前，係到詳細咁睇住我
 
「你就係Jessie個混雙拍檔?」
 
「係…係呀，有咩幫到妳?」
 
「你第一次黎到，唔係唔俾D見面禮我地班同學呀??」
 
「見..見面禮呀?」我感覺就好似一隻純情小綿羊深入狼群一樣
 
「咁…妳地想我點呀，我一個人應付唔到妳地咁多個女仔，都要俾D時間我休息下先架」
 
Florence望一望我下邊，一個不屑嘅眼神
 
「睇你咪得3分鐘，點呀?買唔買雪糕俾我地呀?」
 
「如果我唔買呢?」
 
「唔買呀….呵呵呵」
 
我俾佢地成班女仔圍住，不停咁兇我
 
「買唔買呀你!!!」 「我地要食雪糕呀!!!!」
 
「雪糕呀!!!!」 「一人一個甜筒呀!!!!」
 
「買呀!!!」
 
「得得得，我冇問題，不過大家唔好圍住我先好唔好」
 
「仲唔快d買!買啦!!」
 
「去…去邊到買呀?」
 
「你盲架咩!!!果邊咪有小食部囉!!!!」Florence指一指俾我睇
 
我低頭行過去小食部同阿姐落單，估唔到阿姐都串我
 
「真失敗呀細佬你….我計平你一d啦」
 
成班鴨真嘅羽毛球隊係到好開心咁食雪糕
 
「Jessie妳跟住…要去大坑?」
 
「嗯..」
 
Florence亦都有d擔心咁樣講
 
「妳舊年真係大炒佢地，妳知班大家姐唔係咁好老脾架啦」
 
梓晴都知道要大坑班姊妹簽祝福卡係比較難
 
「我都知，但係為左Polly….辛苦少少都冇咩所謂啦」