當問題少年遇上問題少女: 49. 10號風球嘅練習

梓晴&阿媽兩個人開好張檯，叫埋我地去食飯
 
新聞播出天文台最新消息
 
「天文台將於晚上九時左右改發八號烈風訊號….」
 
咩話，乜而家仲係三號咋?
 
電視周圍影市內嘅情況，影到深水埗長沙環一帶，果到D天台屋非常危險
 




「梓晴好彩妳肯黎同我地住，否則..」
 
阿爸指指電視
 
「我幫妳加固之後都未必過到呢個風」
 
「麻煩哂你啦Uncle」
 
「始終妳一個女仔住天台屋比較危險，而且今個風唔係講笑，佢坐巴士過黎」
 




「坐巴士?」梓晴望住我想幫我解釋下
 
「哦，即係巴士海峽。」
 
我走去指一指個地球儀
 
「台灣南部同菲律賓呂宋島之間果到叫巴士海峽」
 
「咁坐巴士會點?」
 




「如果個經過巴士海峽黎，佢會不停係海上吸水吸熱，而且仲要冇登陸過，佢嘅結構會好完整，如果開埋隻風眼，咁佢就叫一個靚颱風。香港咁多次10號風球，次次都會經過巴左海峽黎，所以我地叫佢做坐巴士」
 
阿爸望一望個風
 
「今次好勁下」然後佢就入房開始做野
 
「uncle做咩呀?入房開著幾部電腦嘅?」
 
「哦，其實佢除左鍾意打波之外仲係一個追風族」
 
「追…追風?佢唔怕危險咩?」
 
「佢追得好安全嘅，唔會去沙灘」
 
我同梓晴一齊跟入書房




 
「點呀?個風中唔中?」
 
「中呀，好大機會10號」
 
「10….10號?」
 
「ok…我去check下間屋先。然後再幫樓上樓下阿婆睇下」
 
我同梓晴解釋返，阿爸會係打風日子，幫d老人家執一執間屋，以免有危險
 
阿爸幫完其他人之後，就繼續追風，而我同梓晴就各自係自己間房到hea
 
之前瞓左晏覺，冇咁快咁易瞓著
 




外邊風勢愈來愈大，雨亦都密左好多
 
「天文台於9時01分，掛起8號烈風及暴風訊號，不排除改掛更高訊號。超強颱風正位於….」
 
我心諗:掛左8號，梓晴會唔會怕大風聲?
 
所以我走去佢間房到睇睇
 
阿爸就係電腦前不停入資料睇野
 
我走到梓晴房門口
 
「妳驚唔驚呀?」
 
梓晴當時坐係書檯前用緊電腦




 
「唔?我ok呀，冇問題」
 
「真係冇俾風聲嚇到?」
 
「冇啦，而家我又唔係住鐵皮屋」
 
「打緊風…有咩好做呢…」
 
「又想睇我地班女仔打波?」
 
「都好呀」
 
於是我地兩個睇左好耐波，直到大家眼瞓為止
 




打開眼，我地見到嘅，係10號風球
 
係窗門望出去，真係一次死城咁
 
垃圾吹到一地都係，仲有少少行人行得好狼狽
 
我地食完早餐之後，繼續坐係到悶
 
正想諗下有咩做果時，阿爸叫左我地拎球拍出去走廊
 
佢要我地係走廊到練下波
 
「係呢到可以妳到你地d反應嘅」
 
「真..真係架?Uncle?」
 
「當然啦，我以前仲要雙手雙腳加沙包黎練跳殺。我係用d比較舊嘅方法，冇計啦，資源唔夠」
 
阿爸係唔係好闊嘅走廊不停開波俾我地接，即使係咁窄嘅環境之下，佢發嘅波落點都仍然係咁好
 
「打返過黎，係，下一球」
 
我同梓晴兩個不停回波俾阿爸
 
「下一球開始扣殺」
 
「下?你講真?咁窄點殺波呀?」
 
「就係俾你地練習下，係咁窄嘅地方都可以扣殺到，快D!」
 
我地兩個人就係10號風球之下，係屋企走廊練波