當問題少年遇上問題少女: 48.女魔頭真正面目

「D!!!!!食屎啦妳!!!」
 
我用一個好懷疑嘅眼光望住梓晴
 
「邊…邊個講架?」
 
「你唔認得把聲?」
 
鏡頭一轉，就係片中見到楝高隻腳，頸頭粒鈕解開，將件長衫拉高，露出一對玉腿嘅Polly不停向對方叫囂
 




「我…我有冇睇錯?佢係Polly?」
 
梓晴好尷尬咁點頭
 
我再睇多陣，就見到有條P褲扔左出黎
 
P褲之外，仲有薯片袋、糖紙之類
 
然後就係大量粗口，仲有….
 




「喂!!!M到呀D!!!邊個有M巾呀!!!長果隻呀!!!今個月大豐收咁滯!!!!」
 
「邊個玩彈bra帶呀!!!!!!!!!!!」
 
我呆呆咁望實片中嘅佢地，原來係個camp入邊，呢班女仔已經收儉左
 
如果要佢地發揮平日嘅水準，佢地會做d咩出黎呢?
 
「你….你都係睇比賽啦」梓晴好快咁飛去比賽片段
 




首先我地係睇九真嘅單打
 
我亦係片中見到Niki
 
Niki舊年係負責單打，佢對住嘅係梓晴
 
片中嘅梓晴，佢嘅球路好狠，Niki完全係冇任何反擊機會
 
每一次殺波，Niki都擋唔到。就咁睇片都聽到殺波嘅聲音，如果係現場，一定會更加震撼
 
「好少可見妳咁打法喎」
 
佢成個人坐係我張床到睇片
 
「咁對手唔太強，不如盡快解決佢，休息多d仲好」




 
片中比賽打3局2勝，梓晴係好短時間入就解決左Niki
 
「你初戀情人實力都係一般咋喎」佢望住我微笑咁講
 
「所以我果兩塊拍，佢咪襯唔起囉」
 
「咁….咁我就襯得起?」
 
「當然啦，妳先係佢地嘅主人」
 
「賣口乖」佢講呢句野果時個樣好開心咁
 
然後段片播出另一位隊員嘅單打片段，係Polly
 




Polly對上嘅對手都有返咁上下實力，不過仍然係佢之下
 
佢每一個動作都好優美，同梓晴一樣，唔會有多餘動作出現
 
比分仲係平手，雙方都有取分
 
然後…Polly開始攻擊，係快速果隻
 
輕輕一彈，個波好快就以高速飛過半場
 
對手勉強救到過半場，Polly就好似網球咁樣發球上網，去左網前輕輕舉高塊拍
 
將個波打返過對方前場
 
我全神貫注咁睇




 
「好一球發球上網」
 
「呢招係Polly拿手好戲」
 
窗外呼呼聲愈來愈大
 
就咁睇返佢地校內賽，佢地嘅實力真係名列前矛，不過出到去學界到，高手雲集，打到去八強都已經好好
 
睇完哂所有片後，我地兩個坐低休息
 
「唔?你唔會打機架咩?」
 
「下，我唔打機架」
 




「你係唔係男仔黎架?我補習d學生好鍾意打機架喎」
 
「每個人都有佢自己嗜好嘅」
 
呢個時候，梓晴個樣真係好攰
 
「妳返去瞓下先啦」
 
當梓晴返左去房到瞓，我都進入左夢鄉唔知瞓左幾耐，大約兩個鐘，一打開眼，外邊已經好黑好大風，應該係落緊大雨
 
起身去到廳果時，阿爸阿媽都返左黎，而梓晴都早我一步起左身，幫緊阿媽手煮飯
 
「練波好攰呀?瞓得咁舒服嘅?」
 
阿爸又係到串我佢經過話以前練波點點點。雖然，阿爸果個年代練波真係好辛苦下，通常未開始熱身，佢地已經跑左好耐出哂汗
 
其實咁樣係比較好，肌肉冇咁易受傷
 
但係而家邊有時間俾我地咁做呢