當問題少年遇上問題少女: 50. 友誼賽開始

打完風後大約一星期，就係友誼賽嘅日子
 
當日我地一大班人返到去準備友誼賽D野。各人都為左今日嘅比賽而努力練波，雖然只係友誼賽，但係佢地都當正式比賽咁睇
 
Polly好細心咁打點所有野，我都幫佢安排哂好水同其他野係場邊
 
「大家集合!!!!!」Polly一聲令下，所有隊員集合好哂
 
「好，今日係友誼賽日子，不過妳地大家都知，我地每一次同姊妹校之間嘅比賽，一定會打到好燦爛，所以大家要努力，每一位隊員都會有上場嘅機會，大家要當正式比賽咁睇!」
 




「draw!!!!」
 
Polly講完野之後，大家就散開
 
「妳唔好咁緊張呢」
 
「我激勵下士氣者」
 
「妳會落場?」
 




Polly扎起個髮髻
 
「我會呀」
 
「我期待妳嘅表演」
 
「你一陣點面對Niki?」
 
「有咩點，咪咁囉」
 




「你可以搵我同Jessie扮情侶喎」
 
「邊洗呀」
 
「佢地到啦」
 
我一轉身，就見到一班著住同梓晴一樣體育服嘅學生，一齊行入黎體育館
 
係人群之，一個熟悉嘅面孔再一次出現係我面前，同時佢亦見到我存在
 
對方一堆人好有氣勢咁行過黎，所以Chloe亦都帶住一班隊員企係Polly身後
 
未開波已經咁嘅氣勢，女人戰爭真係好可怕
 
佢地兩班人好似準備開拖咁企係到，然後，Polly行出去，對方隊長亦都行出黎寒暄一下




 
Niki係九真人群之人企係到望住我，佢身邊d同學有d都認得我
 
然後對方隊長Maggie同Polly傾完之後就行過我面前
 
「好耐冇見喎Clarance」
 
「大家咁話啦Maggie姐」
 
「我已經聽過你嘅事，今次你係混雙代表之一」
 
「估唔到妳收風都幾快喎」
 
「你Partner 呢?係邊個?」
 




我轉身望一成班女仔
 
「我拍邊個都得，不過我拍慣Jessie」
 
「呵，Jessie Tung，咁我地唔可以留手啦。你知我地混雙代表係邊個?」
 
「就算係Niki我都唔會留手」
 
「一陣比賽見啦」
 
「一陣見」
 
Maggie帶領一班同學行去準備，Niki亦都行過我身邊
 
「好耐冇見」




 
我嘆一口氣「有冇一年?」
 
「嗯」
 
「一陣我唔會留手喎」
 
「我都係丫，仲有..我想講嘅係….」
 
「咩事?」
 
「前年決賽果球唔係你責任」
 
「我放低左啦，如果唔係，我點會企係妳面前?」
 




「咁一陣見啦」
 
「妳拍檔呢?呀…應該係妳….男朋友?」
 
「佢就上黎，總之你地兩個…」
 
「放心啦，我冇事喎」
 
「不過我怕你俾人打死呢」
 
「妳代佢向我下戰書呀?」
 
「我係指Polly同Jessie佢地，而家成班油真妹係你身邊好重怨氣啦」
 
的確，我feel到背後有恐龍嘅叫聲……
 
Niki用手搣下我個鼻
 
「一陣見」
 
「你同佢仲好好傾咁喎」我轉身時，見到Polly撓實雙手好不滿咁
 
「哦….大家朋友者….唔係妳地諗果d」
 
「你唔會出賣我地架呵」
 
「唔會唔會，點會呢」
 
「係就好啦，過去準備啦」
 
係體育館一旁，我自己係到拉筋
 
Polly走到我地身邊同我地講
 
「第一場就係混雙，你地兩個有冇問題?」
 
估唔到咁快就要同Niki正面交峰
 
「我冇問題」
 
「我都冇問題」
 
「教練話用平時7成力打就夠」
 
「留力?」
 
「嗯，等喇沙唔好知道大家實力」
 
「我前年就係輸俾佢地，佢地一定知我能力去到邊」
 
「但係佢地唔知你冇退步過嘛」
 
我對Polly微笑
 
「拜託你地呢對滿洲八旗組合啦」
 
「冇問題」