當問題少年遇上問題少女: 47.去麥當當買雪糕

食完午餐，我係房上網果時，梓晴走入黎
 
「做咩呀?」
 
「叫你開d比賽片黎睇嘛」
 
「妳真係好鍾意打波」
 
「你都係者」
 


「妳今次想睇邊個對手?」
 
估唔到，梓晴想睇嘅係自己人
 
「我想睇哂我班隊友比賽嘅片」
 
片中嘅隊友技術唔差，只不過真係對手太強勁，佢地先會八強止步
 
梓晴好留心每一場比賽，每一個對手
 


我坐係佢身邊同佢一齊睇片，而且我同佢愈坐愈近
 
開始，佢雙手都撓實我，將個頭挨係我膊頭上
 
果時先發現，佢個樣好攰
 
「妳眼瞓?」
 
佢摔一摔隻眼「嗯，個天好黑，所以搞到我有D眼瞓」
 


「咁不如妳返房瞓下?」
 
「唔….其實…」
 
「咩事?」
 
梓晴尷尷尬尬咁笑住講
 
「我仲係未慣張床…」
 
「仲有冇呀?」
 
「同埋….唔慣打風間屋咁靜…」
 
我地兩個呆左係到


 
「係咪好怪呀?」
 
我係到諗緊有咩方法幫下佢
 
「不如咁啦，我幫妳打開個窗，俾妳感受下個風，咁妳就慣架啦」
 
「喂!!你咪傻啦!!!，一陣整濕我D野呀」
 
梓晴不停用雙手打我
 
「嘩!妳咁粗魯嘅，小心俾妳男朋友見到添呀」
 
梓晴聽到我咁樣講之後，就面紅紅對住我，佢仲口窒窒添
 


「我…我邊到得黎有男朋友…冇…冇呀…」
 
我伸個頭埋佢到，佢嚇到退一退後
 
「真係冇?」
 
「冇…冇呀…點會有」
 
「妳同Polly兩個係隊中兩大美人喎，冇理由佢有/拍過拖，但係妳冇喎」
 
「Po…Polly點同呢……佢人又靚又係有錢女….我呢d…我呢d…」
 
我見佢怕怕羞羞咁樣，所以就摸下佢個頭
 
「得啦得啦，信妳冇男朋友啦」


 
最後佢仲送返幾拳俾我，扁起個咀
 
「蝦我嘅，應該將你棄市」
 
「饒命呀郡主，小人知罪」
 
「哼!你知驚架咩」
 
梓晴講果時仲係雙手撓實我
 
「我要食雪糕」
 
「好啦，我去拎俾妳啦」
 


「唔係呀」佢一手捉住我
 
「做咩呀?」
 
「我想食麥當當果隻呀….」
 
「麥當當呀?」
 
「嗯」
 
不過而家外邊三號風球….但係又冇雨
 
「我出去買啦」我起身講
 
「同你一齊去啦，你買到返黎都溶哂」
 
於是梓晴著起對落街用嘅人字拖，同我一齊去附近間專記食雪糕
 
好彩冇遇到同學，否則我地兩個水洗都唔清
 
「點解突然想睇返隊友比賽D片嘅?」
 
我邊食住我杯double朱古力新地問梓晴，而食緊double士多啤梨新地嘅佢好快都答到我
 
「首先我想睇下自己隊友實力去到邊先」
 
「唔?妳平時打波練波見唔到咩?」
 
「我相信比賽果時，每個人嘅發揮同平日係唔同，所以想睇下大家比賽時嘅實力同埋當時嘅氣氛係點」
 
「每場比賽都唔同喎，妳打真光聯校賽同校內賽氣氛係點呀?」
 
「氣氛呀…..」梓晴面有難色咁樣
 
「有問題呀?」
 
梓晴擰擰頭「唔係呀…不過….」
 
「妳有冇片可以借俾我睇下?」
 
「有嘅……不過你真係想睇?」佢果時個樣變得愈來愈尷尬
 
「係呀，睇下點樣成場都係長衫妹都好呀」其實我期待左好耐
 
「你…唔係期待我地會撲蝶呀?刺繡咁呀?」
 
「咁會有咩睇?」
 
返到屋企梓晴一打開電腦，開條片俾我睇下。係舊年嘅四真聯校賽
 
一打開就聽到…