當問題少年遇上問題少女: 45.參見郡主

「好得意喎…」
 
「呀…其實…」
 
「似唔似故宮d字呀?」
 
「少少啦」
 
大家望住梓晴「莫非Jessie妳係滿族人?」
 




「有可能喎，滿族女仔好白架喎」
 
「咁Jessie妳係唔係滿洲人?」
 
大家望實梓晴，同時Polly向佢點一點頭
 
梓晴望住其他同學，向大家講出真相
 
「係呀，我係滿族人，上邊d字係祝願平安嘅意思」
 




大家聽到咁樣就非常好奇
 
「係喎，Jessie妳姓佟，係一個好冷門嘅姓氏」
 
其實我都差唔多者
 
「咁Jessie妳係滿洲個姓氏係咩呀?」
 
「我?我滿族姓係赫舍里，我全名係赫舍里‧梓晴」
 




「估唔到Jessie妳咁白，係有原因嘅」
 
「真係美白都唔洗用囉」
 
佢地同時再睇睇個fuda
 
「咁呢枝旗仔呢?代表d咩呀?」
 
梓晴睇一睇
 
「呢個嘛….係代表我旗藉」
 
「咩係旗藉呀?」
 
不過一d修中史嘅同學就知道啦




 
「莫非…Jessie妳唔單止你滿族人，仲係滿族旗人?」
 
梓晴佢微笑咁點一點頭「嗯，我係正黃旗，三朝元老索尼係我祖上」
 
「咁即係Jessie妳應該係….唔…格格?」
 
「唔…唔係呀….格格係帝皇血統….我最多只係郡主」
 
「估唔到有個滿洲郡主係我地學校喎」
 
大家同梓晴一齊笑得好開心
 
「估唔到有滿清後人係到，妳好呀Jessie郡主，我祖先係袁崇煥，幸會幸會」
 




「拿…….滅你大明唔係我地滿洲人呀…係大順嘅李自成呀…唔好屈我地呀」
 
「哈，我都有讀過中史嘅」
 
有文科嘅隊友睇真d「Jessie呀，不過…呢個袋上邊明明係鑲黃旗喎」
 
「鑲黃旗?俾我睇下」
 
我摸一摸褲袋，原來果個fuda….係我架
 
梓晴望真d
 
「係喎…係鑲黃旗」
 
「咁即係話，仲有第二個滿洲人係我地之中?」




 
梓晴點一點頭「嗯」
 
「嘩!!!係邊個呀?係唔係妳呀Polly!?」
 
Polly微微咁笑「我邊係用冷門姓呀?而且我係廣東人喎」
 
「係喎，咁我地當中有冷門姓氏嘅應該係….唔….」
 
大家你眼望我眼都估唔到係邊個
 
「Jessie妳知唔知佢係邊個呀?」
 
「我…我….」
 




梓晴偷偷望我，我都點一點頭。無謂要大家估估下啦
 
「我知道」
 
「佢係邊呀?」
 
梓晴想開口講果時，我走到梓晴面前
 
「大家行開先」
 
「點呀傑少，你知呀?」
 
「我當然知啦」
 
「咁佢係邊呀」
 
「係呢到。臣鰲拜之後參見郡主」我向梓晴行禮
 
「喂…你呀!!!平身啦」
 
「謝郡主」
 
我轉身望住大家
 
「呢個fuda係屬於我，我係哈爾濱瓜爾佳氏，清朝開國元老、滿清第一武士鰲拜係我祖先。我全名係瓜爾佳‧少傑，鑲黃旗。我同郡主一樣，屬於大清皇帝親兵」
 
然後佢地就一齊大叫
 
「原來你地兩個係咁嘅關係架!!!」
 
「我係Jesssie臣子，佢係郡主」
 
此時，文浩走埋黎我身邊
 
「點解你唔一早講呀」
 
「你都冇問」
 
佢伸個頭望真d我
 
「你係鰲拜後人?」
 
「係呀」
 
「點解你唔似徐錦江架!?」
 
大家聽到咁樣，個個笑到肚痛
 
「係喎!!!鰲拜即係徐錦江喎!!!」「開機關!!!!!」
 
我用一面無奈嘅樣望住梓晴
 
都話左會變徐錦江架啦

BBQ時，我地用火煲糖水，係其他隊員一齊煲嘅紅豆沙
 
大家一人幾碗，估唔到其他人煮野都有返咁上下
 
清理完所有野，大家各自返房休息
 
照舊，我今晚都會係女仔房到瞓
 
佢地仍然係成班著真理褲周圍行，直到個camp完畢為止