當問題少年遇上問題少女: 44.我地嘅三角關係

「作死你地呀!又講咸濕野」
 
「冇…冇講」
 
Chloe行近我，然後繼續話題
 
「你揀Polly定Jessie呀?」
 
「做…做咩咁問呀?我地三個冇野架喎」
 




「次次話冇野，到最後咪又一齊左」
 
咁阿靜又真係冇講錯嘅，上次我同Niki都話冇野冇野，點知一見佢著校服個樣就中左落去
 
Chloe繼續追問
 
「兩個都係美女，你點揀呢?Jessie就第一美腿，Polly就身型平均」
 
為左打圓場，或者終結呢個話題，我決定亂答Chloe
 




「到時先算啦，到時妳就知架啦」
 
極速走返去Polly身邊
 
「嗯?做咩事呀?」
 
「冇呀….」
 
「講俾我知好嗎?」
 




「呢層…關於妳同Jessie」
 
我咁樣講，Polly立即知咩事，所以佢帶我去到小海邊
 
「你係話我地傳聞三個嘅關係?」
 
「妳…妳點會知架?」
 
果然係女校，呀…應該話係女仔圈…呢d八掛野傳播速度係非常快
 
「我係主角之一，我點會唔知」
 
我好尷尬咁企係Polly面前，低頭不語
 
「你唔洗咁尷尬丫，即使Jessie都知」




 
「佢…佢都知?點會…」
 
「女更衣室同洗手間係一個收集情報嘅地方，亦都係最多是非聽嘅地方」
 
「真係唔好意思….突然間搞d咁嘅野出黎….」
 
Polly低頭面紅紅咁講
 
「你唔洗唔好意思….係我叫Jessie返黎先嘅…..」
 
「咁…有問題?」
 
「呀…冇…冇呀」
 




當我返到去準備叉果時，梓晴就行埋我身邊
 
「頭先同Polly咁好傾嘅?」
 
「唔…..即係……點講好呢…..」我係梓晴面前支吾以對
 
「我知我地三個有緋聞」
 
果然梓晴都已經知道左
 
「妳係邊到聽到架」
 
「係學校…練完波後嘅更衣室」
 
「佢地點講?」




 
「唔….佢地咪話，見過你同Polly行街，又見過我同你行街咁囉」
 
「唔…」
 
「其實…唔代表d咩者….如果我真係去你屋企住…咁咪仲驚訝?」
 
「都係嘅…」
 
「人地鍾意講咪講囉…決定權係你手上」
 
唔?即係點?
 
「燒野食、燒野食」梓晴好快走到爐邊燒野食
 




而我就仍舊坐係佢地兩個中間，而佢地兩個都好唔客氣咁，將我用到盡，我不停幫佢地叉野燒野
 
「我要雞翼!」 「我要金沙骨」
 
「牛扒」 「雞扒」
 
「Jessie妳仲想食咩?叫傑少幫我地燒就得」
 
喂喂喂，我真係變左下人咁，其他人都不甘後人
 
「牛丸!」「魚旦!」「獅子狗!!」「魷魚!!」
 
「加炭呀!!!!」
 
不過呢，辛苦過後都總係有回報嘅
 
係我個碗內，有滿滿一大堆野食係到
 
「見你咁幫我地，呢到全部野係一大班姊妹幫你燒架」Michelle咬住條金沙骨講
 
真係咁客氣呀，我拎住兜野食，坐係梓晴身邊食
 
食到好開心，連我地兩個個fuda跌左出黎都唔知
 
「Jessie妳跌左銀包呀?」
 
「係?」
 
梓晴順住佢自己條白滑美腿睇落去，果然有個fuda係地上。當然佢拎住野食，唔方便執，Jeanie就幫佢執起黎
 
「Jessie妳個銀包咁特別嘅?人手整架?」
 
梓晴點一點頭
 
「係呀，係我媽咪以前整俾我架」
 
「咁靚嘅，好特別喎，妳家傳之寶?」
 
「又唔可以話係嘅」
 
「上邊有d….符號…係邊到見過呢…唔…」
 
大家一聽到之後就圍埋黎睇