當問題少年遇上問題少女: 37.牛歡喜炒咸酸菜

成程車班女仔係到嘻嘻哈哈，好快就到左目的地
 
一落車已經見到Polly係到準備好哂所有野
 
首先佢地一班女仔就分好房，而我同文浩呢?就兩個男仔瞓一間雜物房
 
有人敲一敲我地房門，原來係一班女仔放好野之後，過黎捉我地出去玩
 
佢地揀左去射箭
 




我同梓晴坐係到睇佢同學射箭
 
「咁渣嘅」我係到評論佢地射箭技術
 
「難道你又好好?」梓晴係到串我
 
「同妳比一比?」
 
「你係滿清第一武將喎」
 




「玩下者，黎啦」
 
首先係我射箭先
 
身為滿洲人，點可以唔識射箭
 
拉弓，睇定睇定….放!!!中呀!!!不過唔中紅心
 
再拉弓，再瞄….又中呀!!
 




我嘅命中率唔差架，然後輪到梓晴上場
 
佢好輕鬆咁拉弓，第一箭，中紅心
 
第二箭，中心
 
第三箭，紅心
 
我望住梓晴嘅箭靶，再望一望佢
 
好，我今次唔知又輸左咩俾佢啦
 
「Jessie估唔到妳射箭咁叻架喎」
 
「我撞彩者，好啦，夠鐘去廚房啦」




 
佢地一齊入到廚房幫手，Polly仲幫教練手煮飯
 
「估唔到妳呢個千金小姐會落手落腳煮飯架喎」
 
「當然啦，你以為只係得Jessie識煮飯咩」
 
「咁妳識煮咩呢?」
 
「炒下菜呀，炒下蛋囉，唔…仲有牛仔骨囉」
 
梓晴亦係我身邊出現
 
「總之你地兩個今日有口福啦，除左Polly，仲有教練煮野俾你地食」
 




教練係一邊炒緊咸酸菜，仲要幾香咁
 
我地成班圍住教練
 
「教練，妳煮咩呀?用咸酸菜炒嘅?」
 
「呢樣餸係我專登煮俾兩個男隊員食架」
 
「呀!!!!教練妳偏心呀!!!!」
 
「放心啦，我會叫左糖水俾妳地架啦」
 
「咁就唔同」
 
到左開飯時間，大家都坐埋一齊食




 
我地都係兩圍檯者
 
首先由教練開始講下野先，然後大家就排隊去Polly到裝飯裝湯
 
「啦，你地兩個，呢樣係我專登煮俾你地食架，真係要食哂呀」
 
「咩黎架?」
 
「牛」
 
一聽到牛，文浩同我都好開心
 
「牛我啱呀喂，真係正」
 




一夾起，再放入口，塊肉又好爽
 
「丫…條牛筋又幾咬口，又彈牙」
 
「係囉，粒牛丸又似午餐肉喎」
 
「嘩…你睇，呢個起邊，好彈牙，好正，配埋咸酸菜真係一流」
 
「個牛肚又幾煙韌喎喂，教練妳煮得好正喎」
 
成班女仔見到都好想食
 
「敢問教練，呢d係牛嘅邊個部位呢?草肚丫?牛筋丫，定係牛肩脊呢?」
 
「哦…呢d咪…牛歡喜果d囉」
 
「牛歡喜?即係咩呢?」
 
「牛歡喜咪…牛閪囉」
 
牛…牛閪?咁其他…
 
「呢條咪牛鞭，呢個係牛波子，呢個係牛春袋，好補架，我特登叫人留俾你兩個架」
 
成班女仔聽到之後哈哈大笑，特別係Polly，因為佢屋企係開餐廳，所以佢一定知道
 
「嘩!!你兩個做咩要咁補呀!?Chloe妳今晚唔洗瞓囉!!!」