當問題少年遇上問題少女: 38.不如收妳做契女

我夾起條牛鞭，係文浩面前….
 
「我地係咪含緊呀?」
 
我隊條牛鞭出黎俾Polly「牛鞭應該係女仔食架喎」
 
「點解呀?」Polly不明所以
 
但係其他女仔就笑到流眼淚
 




諗左陣佢終於知道係咩意思
 
「妖!你變態架!!」
 
我再夾起舊牛歡喜
 
「拿…我地應該要奶呢舊啦」
 
「好啦!你兩個咪玩啦，呢堆野好貴架」
 




「不過，唔，教練妳煮得真係幾好食」
 
梓晴望住我地碟牛，好似想試下
 
「梓晴妳想試下?」
 
「呀…少少咁啦」
 
我夾起左4樣俾佢試一試
 




佢好大膽咁食
 
「其實…冇咩野，真係幾好食」
 
「係呢!妳地班女仔將來都要試下架啦」
 
「妖!!!你個死變態佬!!!!」
 
佢地成班口講變態佬，但係又圍住我地碟野係到食
 
然後教練同大家講
 
「男食呢，會補身，女食呢，皮膚會更滑」
 
教練講完之後，更加冇我地兩個嘅位置




 
Polly係我身邊問
 
「點呀?除左呢d咁補身嘅野之外，邊樣餸最好食呀?」
 
我諗左一諗
 
「蝦仁炒蛋囉，好食呀」
 
「真係?」Polly非常開心
 
「做咩咁開心呀?」
 
「你讚我煮野好食囉」
 




「咁我講事實者」
 
係我同Polly傾緊計果時，梓晴好似搵緊我咁
 
Polly見到咁樣，就笑笑口咁對我講
 
「Jessie搵你呀，過去啦」
 
不過唔洗我過去，佢已經走左過黎，而且佢手上仲拎住糖水舖嘅紙
 
「喂!卡比獸!!你食唔食糖水」
 
係我考慮緊果陣，梓晴已經幫Polly落order
 
「Polly應該食返…….士多啤梨西米露?」




 
「妳真係好好記性，妳仍然係食楊枝甘露?」
 
「冇錯丫」
 
佢地兩個同時望住我，然後互相對望住
 
「妳地…冇野嘛….」
 
佢地一齊望住我
 
「等緊你呀!落單啦!!肚餓啦!!!」
 
如果佢地兩個一齊打女雙，一定會好好睇
 




我揀左個西瓜涼粉後，打電話落單
 
一粒鐘之後，我地成班係女仔房到食糖水
 
佢地間房真係亂到呢…胸圍周圍擺，有人仲要真空添
 
搞到我地兩個唔太好意思
 
梓晴係我隔離食我兜涼粉，我又去食Polly兜西米露
 
「嘩…你地三人行呀?」文浩見到呢個場面
 
然後我地一齊去食佢碗豆腐花
 
「我洗唔洗行開個幾鐘呀?俾D時間你兩個」
 
「唔洗呀!!!」Chloe面紅紅抗議
 
食完糖水之後，大家各自沖涼，我係沖完涼後走出去外邊散步
 
同一時間，梓晴都著住拖鞋行出黎
 
「沖好涼啦?」
 
「嗯，你呢?」
 
「出黎行下囉」
 
「一齊丫」
 
我地坐係公園，而且我仲買左杯雪糕俾梓晴
 
佢邊揈佢對人字拖邊食雪糕，而且仲餵左我幾啖
 
「點解….你阿瑪想叫我去你到住嘅?」
 
「佢怕妳自己一個住危險掛」
 
「哦….我仲以為佢有咩意思添」
 
「妳考慮成點?」
 
「咁都要住埋呢個月先啦，話搬就搬咩」
 
「丫…妳估佢地會唔會收妳做契女丫啦」
 
梓晴一聽到咁樣，佢立即拒絕