當問題少年遇上問題少女: 36.我們的合照

果晚食完飯後，阿爸上去睇。即場幫梓晴屋企加固左少少先，電線果到問題唔大，但最大問題係打風果時，危險程度會好高
 
有一晚，阿爸係屋企望住間細房，我地屋企係屬於大單位，可以間到四間房。當年阿爸阿媽請左工人，所以整多間房。但係近年工人年紀大，回鄉養老，我又大個唔洗照顧，所以間細房就用黎放雜物
 
「傑仔呀，過黎丫」
 
「咩事呀?」
 
「梓晴屋企唔多野，所以我想…」
 




「你想將佢d野放係細房，你咪放囉」
 
「唔係呀，我同媽咪傾過。我地想叫梓晴黎住，我地有多間房，唔收租金」
 
下!!!你搵d咁嘅野黎搞?俾人知道咁點呀
 
「無啦啦…叫佢黎住…會唔會唔太好呀?」
 
「呢個任務交俾你啦」
 




就係入camp果日，我亦都一早就去到梓晴樓下接佢
 
首先，我同佢去食左早餐先
 
我叫左我最愛嘅沙牛麵，佢就食火腿通
 
望住梓晴，又諗起尋晚阿爸嘅說話，叫佢搬黎我地屋企到住
 
所以今日我對住梓晴就尷尷尬尬咁樣，而佢都發現左我有D唔妥
 




「你做咩呀?心不在焉咁嘅?」
 
「下….呀…冇…冇呀」
 
不過梓晴佢點會咁易放過我呢
 
「鰲先生….」
 
「妳…妳聽到之後都應該會尷尬…所以」
 
「係咩事先呀」
 
「其…其實阿爸前排咪黎過妳屋企幫妳加固嘅?」
 
「係丫，而家好左D啦」




 
「佢話妳屋企打風果時仲係會好危險…所以..」
 
「所以咩?」
 
我鼓起勇氣對梓晴講
 
「阿爸叫妳搬黎同我地一齊住」
 
佢聽到之後，個腦一片空白
 
「同…同你一齊住?即係同你同居?」
 
「係…係呀….」
 




「我同你….邊係呀…就算係都唔可以咁快呀….唔….我…唔…其實…」今次梓晴塊面紅到呢
 
睇佢個樣，唔知佢諗到D咩
 
「阿爸話將間雜物房改裝，俾妳住，直到妳嫁人為止」
 
「嫁人?其實…呢…我就…」
 
唔通佢係不婚主義者?定係佢又諗錯邊
 
「咁…你想唔想我搬黎同你住?」
 
「如果妳屋企真係危險嘅話，妳搬黎會好D」
 
「等..等我諗下先啦，不過…你唔介意?你唔怕Polly唔鍾意?」




 
「佢又唔係我邊個」
 
「咁….我…遲d先答你啦」
 
係旅遊車上，一大班女仔係到大叫
 
文浩就好乖坐係阿靜身邊，做佢身後嘅男人
 
而我就坐係Jessie身邊
 
我係到睇返D相，佢亦八掛伸個頭黎睇。然後…佢就見到我同Polly張合照
 
「唔?」佢發出聲音之餘，仲有少少不滿咁
 




佢隊部電話去我面前，審問
 
「咁親密嘅?」
 
「呢張呀….唔…..初期影嘅」
 
佢鼓成泡腮諗左一諗，就雙手撓實我
 
「我同你又影一張丫」
 
佢咁樣算唔算係羨慕Polly呢?
 
就係咁，我同梓晴第一張合照就咁影左