當問題少年遇上問題少女: 35.水煮餑餑

 
阿爸俾梓晴睇睇佢以前打波時嘅獎
 
梓晴睇到目定口呆
 
「uncle你以前咁犀利」
 
「可惜丫，我斷左十字韌帶，所以我冇打比賽好多年」
 
「咁傑仔前年….」




 
「佢嘅老毛病，唔識打逆境波。梓晴妳呢?學界去到邊?」
 
「其實uncle…我未打過學界」
 
「今次係第一次上場?」
 
「嗯…我之前仲用學校公家拍練習，我屋企好窮，冇錢買拍買鞋，上個月我仲著緊白飯魚打波」
 
阿爸見到梓晴果兩塊拍




 
「妳俾妳果兩塊拍我睇睇丫」
 
梓晴一拎塊拍出黎，阿爸就立即認得
 
「傑仔送俾妳架?」
 
「係…係呀…佢話呢兩塊拍冇主人，所以送左俾我…」
 
「d線應該係那Sir果到拉?」




 
「係....係那老闆拉…」
 
阿爸摸一摸塊拍
 
「如果俾妳，對方狂攻過黎，妳會點打?」
 
梓晴諗一諗
 
「我會先輕輕化解個波，回過對面場，之後用最擅長嘅挑波，打個叉燒」
 
「妳唔會同人對攻?」
 
「我會嘅，不過我通常會去到最後，對方節奏亂哂先會突擊，首先我要立在不敗先」
 




阿爸望一望我「傑仔你搵到個好拍檔，梓晴正正係你需要嘅人」
 
「uncle你太過獎啦」
 
「我講事實，妳同佢拍檔一定要好好帶住佢黎打。梓晴妳打法似係小心果款，而傑仔係猛攻果款，你地兩個加埋正好可取中庸」
 
「知道uncle」
 
「估唔到，又係一個真光女仔同佢打波」
 
「uncle你係指…九真嘅Niki?傑仔個ex?」
 
「呀..妳都知道呀」
 
「大家都係真光，我都識少少其他真光校友嘅」




 
呢個時候，媽咪係廚房大叫出黎
 
「開飯啦!!!仲係到想當年!!!」
 
梓晴想入廚房幫手果時，佢俾媽咪趕左出去，話哂過門都係客
 
今晚餐飯，係食水煮餑餑，即係餃子，仲有其他小菜
 
「佟郡主，小人煮得唔好食，望郡主唔好介意」
 
媽咪咁講，立即嚇到梓晴彈起
 
「馬法，妳唔好咁叫我啦….我只係血脈上係郡主，妳當我普通人得架啦」
 




「媽咪妳咪玩佢啦，佢細個俾人發現係滿洲人，之後俾同學欺凌過」
 
梓晴點一點頭
 
媽咪摸一摸梓晴個頭「辛苦妳啦…」
 
「一d都唔辛苦」
 
梓晴望一望d水煮餑餑，又開始流出眼淚
 
「傻妹，掛住額娘同阿瑪?」
 
梓晴點一點頭
 
「如果妳唔介意，妳可以每日都黎我地到，我地會照顧妳架」




 
「但係….」
 
「妳都要人照顧下妳，妳睇妳，幾大個眼袋，又瘦」
 
我係背後靜靜地講
 
「佢邊忽瘦?都不知幾重….」
 
阿媽伸個頭黎我到
 
「你點知呀?」
 
「上次佢拗到腳，我孭佢返屋企，行足五層再上天台，我點會唔知」


我地四個坐低食飯
 
「梓晴妳間天台屋會唔會危險?」爸爸邊食邊問
 
「其實…有時打風落雨會滴水…太大風我怕會吹走屋頂….冬天有時會入風，而且電線我又怕有d危險…」
 
「妳唔怕?」
 
「冇辦法啦，屋企窮，我要出去幫人補習先賺到屋租交租」
 
「咁樣啦，我地去睇睇妳屋企，我應該有方法幫妳加固。如果唔得，我就搵地盤師傅幫妳整整間屋」
 
梓晴聽到後好開心
 
「多謝馬法!!!」