當問題少年遇上問題少女: 28.我地第一次去街

「做….做咩望住我呀?我有野係面上?」
 
Chloe向Jessie解釋「唔係呀，我真係第一次見妳會參加集訓，要諗下有咩環節適合妳」
 
「環…環節?」
 
「喂，Chloe，咪咁玩Jessie啦。我地個集訓營唔係單單練波咁簡單，仲有其他團隊訓練之類」
 
「咁我地兩個男仔呢?係咪混入去同妳地一齊玩?」我真係諗起都覺得興奮
 




Polly一臉輕視咁望住我地「你地兩個呢，就要幫手做阿四，擔擔抬抬，放心啦，我地會俾飯你地食架啦」
 
然後Polly對住Jessie「今日用新拍覺得點呀?」
 
「妳…見到?」
 
「係呀，妳有兩塊新拍，一塊快攻，一塊標準」
 
「唔…用新拍係好d嘅」
 




「乜傑仔你咁大手筆呀?」
 
而家到我尷尷尬尬咁樣
 
「呀…兩塊拍我係屋企冇用…咁所以呢…即係….」
 
Polly一面花生樣對住我「知啦，幫塊球拍搵新主人丫嘛」
 
「咁塊拍擺係我屋企又冇用」
 




係我地堆單果時，我好順手咁幫Jessie俾埋錢
 
佢地三個見到都冇出聲，而當晚，Polly就打黎同我傾電話
 
「喂喂，你最近同Jessie好close咁嘅?」
 
「咁…同佢拍檔嘛」
 
「但係之前你同佢勢成水火咁喎」
 
「唔…點講呢?上幾次練完波，我見佢係街到拗到，咪送佢返屋企囉」
 
「你孭佢呀?」
 
「係…係呀，送佢返屋企，幫佢煮野食，再傾下計咁囉」




 
「都好嘅，可能你幫到我手呢」
 
「幫咩呀?」
 
「幫Jessie復出囉」
 
「咁佢而家都答應落場比賽啦」
 
「佢未正式比賽過，第一場會唔會驚呢?」
 
「既然係咁，妳地可以安排友誼賽俾佢當熱身」
 
「嗯…都不失為一個好方法，等我考慮下先」
 




「我都打算睇下妳單打喎」
 
「我…我單打?」
 
「咁妳一直都係單打主力嘛，表演下俾我睇囉」
 
「嗯…其實呢…點講好呢….」
 
「有問題?」
 
「即係….唔…都係冇野啦，我地遲D再傾啦」
 
一講到落場單打，Polly就變到有d奇怪，佢好似好唔想落場咁樣，難道佢因為要讀書而唔打波?唔會丫，佢成績唔錯呀，而且F.5係最佳搏殺年度，好多學生都會係F.5學年大展拳腳
 
係我諗緊野果時，Jessie打黎俾我




 
「郡主妳好」
 
「你….係咪想我陪你去街呀?」
 
「下?妳認真架?」
 
係電話中傳出佢怕羞聲音「咁…咁你送左兩塊拍俾我，禮貌上都要多謝你，咁你又想我陪你去街….所以…」
 
呢個表面上非常高冷嘅郡主，原來係咁怕羞
 
「咁妳想去邊呢郡主?」
 
「下….定左日子先啦好嘛?」
 




「唔….星期五?有冇問題?」
 
「好…好呀…」
 
就係星期五當日，我依時去到Jessie樓下等佢，佢亦好準時咁落樓
 
「你等我好耐?」
 
我轉一轉身見到嘅係另一個Jessie