當問題少年遇上問題少女: 29.問題少女的新形象

今日嘅佢著件t shirt加條長裙同埋平底鞋，佢將佢對孖辮拆左，長長嘅頭髮放左落黎
 
「妳…今日…」
 
「好肉酸?」Jessie微笑咁講
 
「好靚…」
 
「話哂我都係郡主喎，當然靚啦」
 




「妳男朋友冇讚過妳靚咩?」
 
Jessie面紅紅咁樣覆我「我…我邊得黎有男朋友，見到我屋企都嚇到調頭走啦」
 
「唔…梓晴妳想去邊?」
 
「我呀….唔…」
 
「睇妳都唔鍾意行街睇衫架啦」
 




「你又會知嘅?」
 
「直覺囉」
 
「都唔係嘅…係我冇錢買者…我呢d衫都係花園街買架咋」
 
「唔…老闆未開門…咁呀…」
 
「老闆?」
 




「我知妳成日去人地舖頭門口睇野，今日我就俾妳親身試下對羽毛球鞋」
 
「我…我邊有錢呀?」
 
我拉起佢隻手「黎啦，行下街先啦」
 
當然，我好快放開佢隻手。佢係郡主，我係臣子，我邊可以同佢有肌膚之親呢
 
我帶住梓晴四周圍行，原來佢有好多地方未去過，今日我同佢只係行尖沙咀，佢已經好開心
 
特別係冒險樂園入邊，佢玩拍蟹時嘅笑容好天真，同佢平時好cool個樣係完全唔同
 
我當時心諗，真光女書院羽毛球隊兩大主力，原來性格都差唔多，佢地分別在於一個係有錢女，一個係窮家女(不過係帝皇血脈)
 
我地兩個之後去左玩具反斗城到玩，我地真係玩架咋，邊有地方放玩具呀




 
行左好耐，我同梓晴食左少少野，就坐係海邊食雪糕，一人一杯
 
「喂，多謝你呀」梓晴望住海中對我講
 
「做咩多謝我呀?」
 
「自從阿瑪同額娘走左之後…我未試過去街，係真…未試過咁開心」
 
「妳平時假日都係屋企?」
 
梓晴點一點頭「我錢又唔係多，假日不如留係屋企溫書練波仲好，減少用錢。有時我都好羨慕d同學，放假去玩去旅行。我阿瑪同額娘最多帶到我去九龍公園玩，我地一家三口唔好話出國旅行，就連澳門都未去過」
 
梓晴開始流眼淚
 




「係小學果時，我俾人發現左係滿族人，d同學開始歧視我。之後到阿瑪過身，我受好大打擊，開始收埋自己…」
 
「不過Polly話過，係佢…」
 
「唔關佢事….當年果球…係我專登失手，去報復全班同學。係我利用左Polly…不過佢真係好好朋友，佢仲同老師黎我屋企家訪。一個千金小姐….竟然去天台屋到探一個同學」
 
「妳有冇同Polly講返?」
 
「五年黎我都冇同佢講，我不斷收埋自已、避開佢就係因為咁樣…」
 
梓晴用一對充滿淚水雙眼望住我
 
「點呀?我似唔似滿清第一奸臣索額圖?」
 
「郡主...妳地係我祖上面前只不過係一粒塵都不如」




 
「你連奸角都要同我爭呀!?」
 
「爭咪爭囉!洗怕妳呀!」
 
「好啦!之後去邊呀!?第一武將!」
 
「去老闆到啦」
 
「真係?」
 
「佢係正白旗，仲係蘇克薩哈後人」
 
「咁佢仲唔殺左你?!」
 




「哈，佢又唔會喎，我阿瑪一直都係幫襯佢，佢邊捨得殺我地呀」
 
我帶住梓晴去到老闆間舖到，那老闆一眼就認出梓晴