當問題少年遇上問題少女: 27.我送俾佢的球拍

潘教練望一望後「你地兩個男仔?」
 
「唔係呀，我同Jessie架」
 
「下!?」
 
「放心啦，我請妳去」
 
「喂呀!」
 




「拍檔黎架嘛」
 
教練見到有錢就照收，完全唔問咩事
 
Jessie拉我去一邊
 
「你個阿哈(奴才)、包衣搞咩呀…做咩幫我俾錢呀」
 
「妳都識講我係阿哈啦，我幫主子妳俾錢好正常者」
 




「但係…」
 
「我知妳想去架，係唔係?」
 
Jessie好尷尬咁點一點「只..只係今次咋!」
 
「過黎丫郡主」
 
「又做咩呀?」
 




我係球拍袋到拎出兩塊穿好線嘅球拍
 
「啦，送俾妳」
 
今次Jessie反應更大
 
「你…你做咩呀?無啦啦送拍俾我，一陣其他人誤會就…」
 
我同返Jessie佢解釋
 
「呢兩塊拍，我冇用，我見妳仲用緊公家拍，所以就幫妳穿線，送俾妳用」
 
「不過…」
 
「妳唔試下塊拍?」




 
「呢兩塊…係Niki嘅?」
 
我真係好奇，點解佢會知道?
 
「妳識Niki?」
 
「咁…你之前同佢拍拖時，我都見過你地兩個嘅，我都知佢係九真嘅羽毛球隊」
 
「咁所以…妳就幫我…」
 
「真係冇問題?始終塊拍…」
 
「妳係郡主，妳冇資格用，仲有邊個有?」
 




Jessie係我面前笑左一笑
 
「多謝你，我都唔知點報答你」
 
「報答我?陪我去街囉」
 
「下…你講真?」
 
「呃妳做咩?不過妳唔好咁孤僻會更好」
 
「真係?你唔介意?」
 
「練波啦，怕咩丫」
 
Jessie當日練波練得好開心，而且一個球員，唔止技術要好，佢嘅工具都需要夾到佢自己




 
郡主拎起兩塊拍時，佢已經好鍾意。到佢正式用黎練波果時，佢嘅發球同殺波都比佢用公家拍時更好
 
休息時間，佢開始坐係我身邊
 
「塊拍好用嘛?」
 
Jessie摸下塊拍「真係好輕，打果時好舒服」
 
「妳鍾意就得」
 
「當時….你揀左好耐?」
 
「嗯，而家呢兩塊拍搵到妳呢個主人，係佢地嘅福氣」
 




「咁好啦，我陪你去一次街啦」
 
文浩同Chloe見到Jessie坐係我身邊同我傾計，佢地又走過黎八掛埋一份
 
「喂喂!!!妳地有咩咁好傾呀?」
 
「冇，我同Jessie傾下佢塊拍好唔好用者」
 
「Jessie妳有私家拍?」
 
Jessie面紅紅咁點頭
 
「可唔可以借俾我睇下呀?」文浩見到塊拍後望一望我
 
「嗯…好呀，小心d喎」Jessie將塊拍遞俾文浩
 
文浩揮左幾下拍之後還返俾Jessie
 
「妳先係呢塊拍嘅主人啦」
 
「點…點解咁講呀?上一個…」
 
「Niki冇妳咁錫d球拍，佢一發脾氣就會扔拍。但係妳頭先叫我小心d，就證明妳係好細心，好愛惜任何野嘅人，所以妳比Niki更加值得拎起呢塊拍」
 
Jessie聽到後望一望我，我都點一點頭
 
「同埋Jessie妳可以同其他人多d交流下，咁會開心d」
 
「係…我知啦」
 
Chloe就係呢個時間順勢約Jessie去食飯
 
「今日同埋我地幾個一齊食飯?Polly都去喎」
 
「下…哦….好呀」
 
呢個郡主真係終於開始有返d社交啦
 
係餐廳內，Chloe拎住份入camp嘅名單係到睇，然後佢同Polly就一齊望一望Jessie