當問題少年遇上問題少女: 24.滿清羽毛球拍檔組成

我望住佢「係呀，妳應該會知係咩黎」
 
「係…滿族人夏天小食，你…點解會知我一定知呢個小食?」
 
「妳係大連人，姓佟，好大機會係滿族人，而且我見過妳個袋仔，果個fuda」
 
「你….你識fuda?」
 
「妳仲未知我叫咩名呀?」
 




Jessie扭一扭頭「我只係知你叫傑仔」
 
我微笑咁對住Jessie
 
「我姓常，常子傑，哈爾濱瓜爾佳氏」
 
Jessie望住我
 
「我係佟梓晴，大連赫舍里氏」
 




我地兩個微笑對住大家
 
「估唔到，我可以遇到一個滿族拍檔」Jessie微笑
 
佢笑果時個樣好可愛，我幫佢用冰敷住隻腳
 
「唔單止係我，妳係咪經過去羽毛球舖睇野?」
 
Jessie點一點頭「我一直好想自己要塊球拍同球鞋，奈何…你明啦」佢四目環視
 




「妳唔參賽原因就係咁?」
 
「嗯…我唔想令寶利佢尷尬」
 
「Polly?」
 
「係呀，佢叫寶利，你唔知咩，你點追佢架」
 
我幾時有追佢呀?
 
「我同Polly?冇事架喎」
 
「不過我成日係更衣室聽到其他隊員講，話你地兩個經常約出去喎」
 
「都係一兩次，睇下球拍之類，冇野架」




 
「係咩?」
 
「下次帶埋妳去舖頭睇下，老闆一定好鍾意妳」
 
「點解咁講?」
 
「佢姓那，係盛京人，同我地一樣係滿族人」
 
「不過突然入去嘅話…」
 
「下次我帶妳入去啦，妳仲餓唔餓呀?」
 
「仲有少少…我自己煮得啦」
 




「喂，我地係拍檔黎架喎，我幫妳煮d野食啦」
 
我打開Jessie個雪櫃，有菜，有d丸，仲有烏冬
 
我轉身問佢「平時都係妳自己煮?」
 
「嗯…如果補完習太夜，我會買外賣就算」
 
我慢慢煮碗烏冬俾佢「其實…妳可以同我地一齊食野，唔洗自己一個咁悶」
 
Jessie望住外邊
 
「同我食?唔好啦，我襯你地唔起」
 
我放低碗烏冬，叫Jessie過黎食左先，然後我幫佢洗好碗




 
我坐係佢身邊「妳係我拍檔，我唔會蝦妳喎，而且大家都係滿洲人，所以我更加要保護妳」
 
「咁我多謝你先」
 
「其實妳唔好收埋自己，對妳唔好，總之有咩事，我都會係妳身邊陪住妳」
 
「你做我護花使者?」
 
「妳肯有咩所謂?妳隻腳仲痛唔痛?」
 
Jessie郁下隻腳，五隻腳趾郁下
 
「冇事啦」
 




我係佢身邊起身「冇事就唔好嘥時間」
 
Jessie望住我「做咩事呀? 」
 
「出去練波啦，同妳繼續練習下」
 
Jessie好開心咁企起身「好呀」
 
於是我地就夾手夾腳係天台拉起個網，係Jessie用膠紙整成嘅球場練波
 
Jessie首先發球，然後我又回返俾佢
 
佢殺波，我又好快擋到
 
Jessie球技果然係Polly之上，令我估唔到嘅係，Jessie佢嘅跳殺應該同我不分上下
 
我地兩個打左差唔 多30分鐘，直到個波飛落街為止